P30,000 IBINIGAY NI Samsung Chairman Lee Jae-yong Sa Empleyadong Nagbigay Ng Kape Sa APEC

Nag-viral online ang kwento ng isang empleyado na binigyan ni Samsung Electronics Chairman Lee Jae-yong ng 50,000 Korean Won (humigit-kumulang P2,000) matapos itong magbigay ng kape sa kanya sa gilid ng Asia-Pacific Economic Cooperation (APEC) summit.

Sa isang post sa Threads, ibinahagi ng empleyado na nagngangalang 'A' na nagtatrabaho sa isang Ediya Coffee outlet sa Gyeongju noong panahon ng APEC, ang kanyang karanasan na itinuring niyang pinakamasaya. Kasama sa mga larawang ibinahagi ay si Chairman Lee na may hawak na kape, kasama ang empleyado na nakangiti, at isang larawan ng empleyado na hawak ang P30,000 cash.

"Nagbigay ako ng isang tasa ng kape sa chairman habang siya ay naglalakad, at siya ay bumati at nagpatuloy sa kanyang lakad. Ngunit pagkaraan ng ilang sandali, siya ay bumalik at kumuha ng 50,000 Won mula sa bulsa ng kanyang pantalon at ibinigay sa akin," kwento ni 'A'. "Siya ay napakabuti, gwapo, at mabait. Plano kong i-frame ang perang ito at ipamana bilang isang kayamanan."

Ang post ay umani ng mahigit 300,000 views at halos 10,000 likes sa loob lamang ng isang araw. Nang tanungin ng isang netizen kung ang CEO ng Samsung Electronics ay kumuha ng pera mula sa kanyang bulsa at hindi sa wallet, sumagot si 'A', "Opo, parang ordinaryong tito lang." Sa tanong naman ng isa pang user kung gaano siya kinabahan at kasaya, sinabi niyang, "Nanginginig ang mga kamay ko at nahirapan akong gumawa ng inumin. Nagbigay siya ng isang napakasayang alaala."

Si Chairman Lee ay dumalo sa opening ceremony ng APEC CEO Summit na ginanap sa Gyeongju noong nakaraang ika-29 ng Nobyembre. Naging usap-usapan din siya kinabukasan sa pakikipag-usap tungkol sa 'chicken and beer' kasama si Hyundai Motor Group Chairman Euisun Chung at Nvidia CEO Jensen Huang.

Labis na humanga ang mga Korean netizens sa ginawa ni Chairman Lee. Marami ang pumuri sa kabaitan at pagiging mapagbigay nito. May mga nagsabi pa na, "Totoong nakakaantig ang pangyayaring ito!" at "Talagang kahanga-hanga ang kabaitan ni Lee Jae-yong, ito ay nagpapakita ng kanyang magandang pagkatao."