Lee Young-ae, nagbigay ng donasyon para sa Thai student na nasa coma

Nakitaan ng malaking puso ang kilalang Korean actress na si Lee Young-ae matapos itong magbigay ng donasyon para sa isang Thai student na kasalukuyang nasa coma.

Si Sirinya, isang Thai national na nag-aaral ng wikang Koreano sa Chonnam National University, ay bigla na lamang nawalan ng malay noong Hulyo at na-diagnose na may subdural hemorrhage. Simula noon, nananatili siya sa coma at patuloy na ginagamot.

Nang malaman ang kanyang kalagayan at ang hamon na kinakaharap nito sa pagpapagamot at pagpapauwi sa Thailand dahil sa kakulangan sa pinansyal, agad na naglunsad ng donation drive ang mga estudyante at staff ng unibersidad sa pangunguna ng 'Rhythm of Hope' club.

Lubos namang nalampasan ang kanilang target na halaga na naipon, at dito na nagbigay ng 10 milyong won (humigit-kumulang $7,300 USD) si Lee Young-ae upang makatulong sa pasyente.

Ayon sa ulat, nagpahayag pa si Lee Young-ae ng pasasalamat sa mga mag-aaral para sa kanilang ginagawang mabuting hakbang. Samantala, tumulong na rin ang Korean Air sa paghahanda ng pagpapauwi kay Sirinya sa pamamagitan ng paglaan ng limang upuan upang makapagdala ito ng mga medical equipment.

Maraming netizens sa Korea ang humanga sa kabutihan ni Lee Young-ae, "Ang kanyang puso ay kasing ganda ng kanyang mukha," "Sana ay gumaling na ang estudyante at makauwi na sa kanyang pamilya."