Nana at ang kanyang ina, biktima ng robbery-homicide! Nagbigay-suporta ang mga fans.

Nakakabahalang balita ang bumabalot sa K-Entertainment matapos maging biktima ng pagnanakaw ang aktres at dating miyembro ng After School na si Nana at ang kanyang ina.

Sa isang opisyal na pahayag na inilabas ng ahensya ni Nana, ang Sublime, noong Mayo 15, ibinahagi nila ang insidente. Ayon dito, kaninang madaling araw ay may armadong magnanakaw na pumasok sa tahanan ni Nana.

Dagdag pa ng ahensya, nagdulot ng matinding panganib ang pagpasok ng suspek na may dalang patalim. Dahil sa pisikal na pananakit ng magnanakaw, nawalan ng malay ang ina ni Nana dahil sa matinding pinsalang natamo. Si Nana naman ay nagtamo rin ng pisikal na sugat habang sinusubukang makatakas sa delikadong sitwasyon.

Sa kasalukuyan, parehong nangangailangan ng agarang lunas at lubos na pahinga ang aktres at ang kanyang ina.

Ang pulisya ng Guri ay nakapag-aresto na ng isang 30-anyos na lalaki, na kinilala bilang si 'A', kaugnay ng kasong attempted special robbery. Patuloy ang isinasagawang imbestigasyon.

Matapos kumalat ang balita, bumuhos ang suporta mula sa mga tagahanga. Nagpadala sila ng mga mensahe ng pag-asa para sa mabilis na paggaling ng aktres at ng kanyang ina, tulad ng "Sana gumaling kayo agad" at "We're wishing for your speedy recovery."

Nagpahayag ng pagkabalisa ang mga Korean netizens sa naturang insidente. Marami ang nagkomento ng, "Sana ay mabilis na gumaling si Nana at ang kanyang ina." Mayroon ding nagsabi, "Nakakalungkot marinig ito, sana ay ligtas silang makabangon."