Kilalang Executive ng Entertainment, Nahaharap sa Kasong Sexual Assault at Negligence; Biktima, Malubhang Nasugatan

Isang malagim na insidente ang yumanig sa K-entertainment industry matapos maharap sa kaso ang isang mataas na opisyal ng isang kilalang entertainment company. Inakusahan siyang umano'y ginahasa ang isang babaeng lasing at iniwang sugatan sa tabi ng kalsada.

Ayon sa ulat ng TV Chosun, isasailalim na sa piskalya ang 50-anyos na executive, na tinukoy bilang si 'A', dahil sa mga kasong graveng sexual assault at criminal negligence na nagresulta sa malubhang pinsala.

Nangyari umano ang krimen noong Agosto sa isang kalsada sa Gangnam district. Sinasabing isinakay ni 'A' ang biktima sa kanyang sasakyan, ginahasa ito, at iniwan na lamang sa gilid ng daan habang wala nang malay.

Natagpuan ang biktima mahigit isang oras at kalahati matapos ang insidente, matapos itong isumbong ng isang concerned citizen. Batay sa medical report, nagtamo ang babae ng subdural hematoma (pagdurugo sa utak), skull fracture, at pinsala sa optic nerve, na nagresulta sa permanenteng pagkawala ng paningin sa kaliwang mata.

Dagdag pa sa ulat ng Hankyung.com, lalong lumala ang isyu dahil lumalabas na si 'A' ay nakalaya lamang apat na buwan bago ang insidenteng ito matapos makulong sa kaparehong krimen.

Noong Enero 2021, nahatulan si 'A' ng dalawang taong pagkakakulong dahil sa mga kasong sexual offenses laban sa limang babae, kasama na ang panggagahasa sa isang babaeng lasing habang nasa passenger seat ng kanyang sasakyan.

Bukod pa rito, noong Abril 2023, naglabas ng biglaang anunsyo ang entertainment group kung saan CEO si 'A' na nagbitiw na ito sa kanyang pwesto, na binanggit ang "personal family matters" bilang dahilan.

Nang malaman ng mga pulis na kailan lang nakalaya si 'A' mula sa bilangguan para sa parehong krimen, dalawang beses silang nag-apply para sa arrest warrant dahil sa takot na tumakas ito, ngunit parehong ibinasura ng korte.

Nag-init ang mga komento ng mga Korean netizens sa social media. Marami ang nagpahayag ng galit, "Nakakagalit ang ganitong klaseng tao! Dapat ibalik siya sa kulungan!" at "Bigyan ng hustisya ang biktima. Hindi dapat palampasin ang ganitong karahasan."