NCT Leader TAEYONG, Babalik na sa mga Fans Ngayong Araw!

Isang malaking araw para sa K-Pop community ang February 14 dahil tuluyan nang magbabalik sa piling ng mga fans ang leader ng sikat na grupong NCT, si TAEYONG.

Matapos ang kanyang mandatory military service, si TAEYONG ay officially discharged na ngayong araw, February 14. Pumasok siya sa serbisyo noong Abril ng nakaraang taon at nagsilbi bilang isang cultural publicity soldier sa Marine Corps band.

Bago pa man siya pumasok, nangako si TAEYONG sa kanyang mga tagahanga, "Marami pa akong gustong ma-achieve kasama ang mga miyembro at fans, kaya naman gagawin ko nang maayos ang aking military service at marami akong matututunan. Nangangako akong babalik ako na mas magaling na bersyon ng sarili ko para makatayo muli sa entablado."

Ang pagbabalik ni TAEYONG ay kasabay ng pagpasok sa serbisyo ng iba pang miyembro ng NCT 127. Noong Pebrero 8, pumasok si DOYOUNG bilang active soldier sa Army, habang si JUNGWOO ay pumasok din sa Army bilang medical support. Si JAEHYUN naman ay inaasahang magtatapos ng kanyang serbisyo sa Mayo 2025.

Bilang miyembro ng NCT na nag-debut noong Abril 2016, naging aktibo si TAEYONG sa iba't ibang unit tulad ng NCT 127, NCT U, at SuperM. Nagpakita rin siya ng kanyang talento sa musika nang maglabas siya ng solo album noong 2023.

Masayang-masaya ang mga Korean fans sa pagbabalik ni TAEYONG, at agad na nag-trend sa social media ang "Welcome back Taeyong." Marami ang sabik na muling makita siyang mag-perform sa stage.