Sikat na Aktor na si Song Kang, Bumili ng Mamahaling Apartment na Nagkakahalaga ng ₱300 Milyon!

Balitang-balita ngayon sa mundo ng K-Entertainment ang pinakabagong asset ng paborito nating aktor na si Song Kang!

Ayon sa mga ulat mula sa industriya ng real estate, kamakailan lamang ay bumili si Song Kang ng isang napakalaking apartment unit sa 'Seoul Forest Hillstate' na matatagpuan sa Seongsu-dong 2-ga, isang kilalang exclusive na lugar sa Seoul.

Ang halaga ng property na ito ay umaabot sa 6.7 bilyong Korean Won (katumbas ng mahigit 300 milyong Philippine Pesos)! Natapos ang transaksyon noong katapusan ng Hunyo at nakumpleto na ang pagpapatala ng pagmamay-ari noong nakaraang buwan.

Batay sa mga dokumento, tinatayang umutang si Song Kang ng hanggang 4.2 bilyong Won (halos 200 milyong Piso) para sa kanyang bagong bahay, na bumubuo ng halos 60% ng kabuuang halaga. Napansin din ng marami na ang kanyang pagbili ay naganap bago pa man ipatupad ang bagong regulasyon sa pabahay noong Hulyo, na naglilimita sa mga home loan sa 600 milyong Won para sa mga lugar sa Metro Seoul. Dahil dito, naiwasan ni Song Kang ang mga bagong restriksyon.

Ang 'Seoul Forest Hillstate' ay isa sa mga pinaka-prestigious na condominium sa Seongsu-dong. Marami na ring kilalang personalidad ang nakatira dito, kabilang sina aktor Namkoong-min, Lee Sang-yoon, Eric, Yuk Sung-jae, at dating baseball player na si Park Chan-ho.

Nagbubunyi naman ang mga K-Netizens sa balitang ito. "Wow, Song Kang! Ang galing ng pagpaplano mo sa buhay!" komento ng isang fan. "Deserve mo 'yan sa lahat ng pinaghirapan mo!," dagdag naman ng isa pa.