BTS ના સભ્ય Jin સાથે ગેરવર્તણૂક કરનાર જાપાનીઝ મહિલા સામે કેસ દાખલ

દક્ષિણ કોરિયા: લોકપ્રિય K-pop ગ્રુપ BTS ના સભ્ય Jin (જન્મ નામ: Kim Seok-jin) સાથે તાજેતરમાં એક કાર્યક્રમ દરમિયાન બળજબરીથી ચુંબન કરનાર 50 વર્ષીય જાપાનીઝ મહિલા સામે કાયદેસર કાર્યવાહી હાથ ધરવામાં આવી છે. જાપાનીઝ મીડિયાના અહેવાલો અનુસાર, મહિલાએ કહ્યું કે, "હું દુઃખી છું. મને આશા નહોતી કે આ ગુનો ગણાશે." આ ઘટના ગયા વર્ષે જૂનમાં સોલના જામસિલ ઇન્ડોર સ્ટેડિયમમાં '2024 Festa' કાર્યક્રમ દરમિયાન બની હતી, જ્યાં Jin એ ચાહકો માટે ફ્રી-હગ ઇવેન્ટ યોજી હતી. આ દરમિયાન, એક મહિલા ચાહકે Jin ના ગાલ પર બળજબરીથી ચુંબન કર્યું, જેના કારણે ભારે વિવાદ સર્જાયો. આ ઘટનાના વીડિયો વાયરલ થયા બાદ, કેટલાક ચાહકોએ સત્તાવાળાઓને આ મહિલા સામે કાર્યવાહી કરવા વિનંતી કરી હતી. શરૂઆતમાં, પોલીસ તપાસ મુશ્કેલ બની હતી પરંતુ જ્યારે મહિલા દક્ષિણ કોરિયામાં આવી અને સ્વૈચ્છિક રીતે હાજર થઈ, ત્યારે તપાસ ફરી શરૂ કરવામાં આવી અને આખરે તેને કોર્ટમાં લઈ જવામાં આવી.

આ સમાચાર પર કોરિયન નેટીઝન્સની તીવ્ર પ્રતિક્રિયા આવી રહી છે. ઘણા લોકોએ Jin ની સુરક્ષા અને આવા કૃત્યો પ્રત્યે સખત કાર્યવાહીની માંગ કરી છે. એક ટિપ્પણીમાં લખ્યું છે, 'આ કોઈ મજાક નથી, કલાકારોની પણ અંગત જગ્યા હોય છે.'