Ли Чжун-джэ мен Лим Джи-ён "Сүйкімсіз махаббат" жаңа дорамасында бақталасады

«Кальмар ойыны» (Squid Game) жұлдызы Ли Чжун-джэ мен «The Glory» дорамасының басты кейіпкері Лим Джи-ён tvN арнасының жаңа «Сүйкімсіз махаббат» (Lovesick) сериалында бірге ойнайды. Екеуарасындағы шиеленісті көрсететін алғашқы тизер жарыққа шықты.

«Сүйкімсіз махаббат» дорамасында астамшыл ұлттық актері Лим Хён-джун (Ли Чжун-джэ) мен оны әшкерелеуге келген тілші Вей Чонг-шин (Лим Джи-ён) арасындағы қызықты тартыс сипатталады. Тизерде Ли Чжун-джэнің «Сіз тілшісіз бе?» деген сұрағына Лим Джи-ён «Егер тағы бір рет менің көзіме көрінсең, мен жазған мақалалардың бәрі балалар әңгімесі сияқты көрінетін болады» деп қауіп төндіреді. Бұл Ли Чжун-джэні таң қалдырады.

«Dr. Cha» дорамасының авторы Чон Ё-ранг және «Nevertheless» режиссері Ким Га-рам бірлесіп түсірген бұл туындыда Ли Чжун-джэ мен Лим Джи-ённің комедиялық рөлдердегі ойыны көрермендерді қызықтыратыны сөзсіз.

«Сүйкімсіз махаббат» дорамасы 3 маусымда tvN арнасында сағат 20:50-де көрсетіле бастайды.

Тизер шыққаннан кейін корей желі қолданушылары арасында үлкен қызушылық туды. "Ли Чжун-джэнің комедиялық ойыны керемет", "Лим Джи-ённан қысылатын Ли Чжун-джэні көруге асығамын", "Екеуінің арасындағы бәсеке әзірден-ақ көңілді" деген пікірлер жарыса жазылды.