NewJeans тобының «Hype Boy» әні 21 ғасырдың үздік әндерінің қатарына енді

Әлемге танымал K-pop тобы NewJeans-тің «Hype Boy» әні АҚШ-тың беделді музыкалық басылымы Rolling Stone журналының «21 ғасырдағы ең үздік 250 ән» тізіміне енді. Бұл туралы аталмыш басылым 8 ақпанда хабарлады.

«Hype Boy» әні аталмыш тізімде 206-шы орынды иеленді. Rolling Stone журналы бұл әнді жастардың махаббат сезімін мен мәдениетін қызықтыратындай етіп жеткізгені үшін жоғары бағалады. Сондай-ақ, журнал «Hype Boy» әнінің жаңашыл, заманауи дыбысы мен ретро стилінің үйлесімін ерекше атап өтті. Бес мүшеден тұратын топтың үш минутқа жетпейтін ән ішінде әрқайсысының дара дауысын тамаша көрсете білгенін атап өткен.

«Hype Boy» әні Moombahton және Electropop жанрларының қосындысы ретінде, NewJeans тобының дебюттік әні болды. 2022 жылдың тамыз айында шыққан бұл ән сол кезде-ақ Кореяда және халықаралық аренада үлкен хит болып, әлемдік деңгейде танымал болды. Әлемдегі ең ірі музыкалық платформа Spotify-да 700 миллионнан астам тыңдалым жинаған бұл ән, Оңтүстік Кореяның негізгі музыкалық чарттарында әлі күнге дейін өз орнын сақтап келеді.

Бұл жаңалыққа корейлік интернет қолданушылар өздерінің қуаныштарын білдірді. Көпшілігі NewJeans тобы мен «Hype Boy» әнінің халықаралық деңгейде мойындалуына мақтаныштарын айтты. «Бұл шынымен де аңызға айналған ән!» және «NewJeans тарихты жаңаша жазып жатыр» деген сияқты пікірлер көп болды.