BOYNEXTDOOR YouTube арнасы 1 миллиард қаралымға жетті!

20 мамырдағы камбэкі алдында, BOYNEXTDOOR тобы YouTube арнасында 1 миллиард қаралымды еңсергенін хабарлады.

Бұл таңғаларлық жетістік, ресми музыкалық бейнебаяндарды есептемегенде, топтың жеке контенті мен альбом жарнамалық бейнелері арқылы ғана орындалған. Бұл олардың дебюттік кезеңіндегі топтар арасындағы ең жылдам көрсеткіші.

BOYNEXTDOOR тобының (Сонг-хо, Ри-ву, Мюнг-жэ-хён, Тэ-сан, Ли-хан, Ун-хак) бейнелері мүшелер арасындағы тығыз байланысы мен жағымды энергиясы үшін жоғары бағаланады. Олардың жеке реалити-шоуы ‘So Cute BOYNEXTDOOR’ және 'WHAT? DOOR!' сияқты контенттері, сондай-ақ музыкалық қабілеттерін көрсететін кавер-фильмдері танымал.

Мүшелер орындаған DPR LIVE-тің ‘Martini Blue’ кавер-фильмі қазіргі таңда 5,57 миллион қаралымға ие. Ал, дебют алдындағы ‘So Cute BOYNEXTDOOR’ реалити-шоуының бірінші бөлімі 3 миллион қаралымнан асты.

Сахналық өнер бейнебаяндары да назар аударуда. Олардың алғашқы жеке турнесі ‘BOYNEXTDOOR TOUR ‘KNOCK ON Vol.1’’ аясында Жапонияда көрсетілген ‘Bling-Bang-Bang-Born’ юнит-нөмірі әлемдік жанкүйерлер арасында таралып, 4 миллион қаралымнан асты. Әртүрлі хореографиялық бейнебаяндар да жоғары қаралым санын көрсетіп, BOYNEXTDOOR-дың «көруге тұрарлық топ» деген беделін растайды.

Мүшелердің арасындағы үйлесім мен талантқа деген құрмет, сондай-ақ алдағы камбэктің қарсаңындағы қызығушылық 1 миллиард қаралымдық межені бағындыруға себеп болды.

BOYNEXTDOOR 20 мамыр күні сағат 18:00-де бесiншi шағын альбомы ‘The Action’-ды шығарады. Бұл альбом алты мүшенің өсуге деген ұмтылысын және алға басуға деген ерік-жігерін көрсетеді. Альбомның басты әні ‘Hollywood Action’ голливудтық жұлдыз сияқты нық сенімділікті сездіретін ән болады деп күтілуде.

Корей желі қолданушылары BOYNEXTDOOR тобының бұл YouTube жетістігіне өте қуанышты. Негізгі музыкалық бейнебаяндарсыз мұндай жоғары көрсеткішке жеткендерін мақтап, алдағы камбэкке деген үміттерін білдіруде.