2 жылдан кейін жаңа шоумен оралған Сон Ю-риді досы Ли Хёри құттықтады!

Кореяның танымал актрисасы әрі әншісі Сон Ю-ри екі жылдық үзілістен кейін жаңа ойын-сауық бағдарламасымен көрермендерге оралды. Оның "Этткижи Ганда" (Ақырына дейін барамыз) атты жаңа шоуының трейлері жақында жарық көрді.

Жаңа жобаның трейлерін жариялаған Сон Ю-ри "Ақырына дейін барамыз" деп қысқа да нұсқа пікір қалдырып, өз қуанышын жеткізді. Бұл видеода актриса екі жылдан кейін алғаш рет экранға оралып, көрермендерді баурауға дайын екені көрінеді.

Бұған дейін актрисаның жолдасы, гольф ойыншысы Ан Сонг-хённің айналасындағы дауларға байланысты Сон Ю-ри барлық телебағдарламалардан уақытша шығып қалған болатын. 2017 жылы тұрмыс құрған жұптың 2022 жылы егіз қызы дүниеге келген.

Ан Сонг-хённің криптовалютамен байланысты заңсыз әрекеттерге қатысы бар деген айыптар тағылып, ол 2021 жылдың қыркүйек-қараша айлары аралығында 3 миллиард вон көлемінде пара алды деген күдікке ілінген. Осы даулардың салдарынан Сон Ю-ри 2023 жылдың сәуірінде аяқталған KBS2 арнасының "Идалдо Рикол и Доэнаяо?" (Айырылысу да еске түсер ме?) бағдарламасынан кейін теледидардан көрінбей кетті.

Өткен жылдың желтоқсан айында Ан Сонг-хён 4 жыл 6 айға бас бостандығынан айырылып, түрмеге қамалған болатын. Алайда, биылғы жылдың маусым айында ол босатылды. Одан кейін Сон Ю-ри де белсенді жұмысын жаңартып, үйге арналған сауда бағдарламаларына қатыса бастады.

Бұл жаңалыққа оның жақын құрбысы, танымал әнші Ли Хёри "Ю-ри, сен тамаша істеп тұрсың!! Сәттілік!!" деген жылы лебізін білдірді. Сондай-ақ, Чан Ён-ран, Пак Ын-джи, Мун Се-юн және Пак Ха-сон сияқты басқа да жұлдыздар өздерінің құттықтауларын жеткізді.

Желідегі корейліктер Сон Ю-ридің оралуына қатты қуанып жатыр. Әсіресе, оның жақын досы Ли Хёридің қолдау көрсеткені көпшілікті ризашылығын білдіруде. "Теледидардан сені көргенімізге көптен бері зар едік", "Сені қолдаймыз" деген сияқты пікірлер көптеп жазылған.