Netflix-тен жаңалық: «K-Pop: Demon Hunters» фильмінің жалғасы шығады!

Танымал анимациялық туынды «K-Pop: Demon Hunters» фильмінің жалғасы жарық көреді! Netflix пен Sony Pictures ресми түрде бұл туралы мәлімдеді.

Фильмнің шығуы 2029 жылға жоспарланған. Алайда, анимациялық фильмдердің ұзақ өндіріс мерзіміне байланысты, бұл мерзім өзгеруі мүмкін екенін ескерткен жөн.

«K-Pop: Demon Hunters» — K-pop супержұлдыздары Huntrexx тобының (Lumi, Mira, Joy) мүшелері туралы баяндайтын экшн-фэнтези анимациясы. Олар музыканы қару етіп, әлемді жындардан құтқару жолында күресетін болады. Маусым айында Netflix-те шыққан бұл туынды, бірден әлемдік деңгейде танымал болды.

Фильм Netflix-те 300 миллионнан астам қаралым жинап, рекорд орнатты. Сонымен қатар, Huntrexx тобы орындаған «Golden» әні АҚШ-тың Billboard Hot 100 және Ұлыбританияның Official Charts чарттарында бірінші орынға иеленіп, анимациялық саундтректер үшін бұрын-соңды болмаған жетістікке жетті.

Режиссер Maggie Kang жақында BBC арнасына берген сұхбатында, бұл кейіпкерлермен әлі де көптеген әңгімелер айтуға болатынын айтып, жалғасының мүмкіндігін меңзеген болатын. Бірлескен режиссер Chris Appelhans та, келесі фильмде жаңа орындар мен музыкамен әлемнің кеңейетінін қосты.

Осы арада, желтоқсанның 4-і мен 28-і аралығында Сеулде «K-Pop: Demon Hunters» ресми поп-ап туры өтеді. Бұдан кейін тур Сингапур, Бангкок, Токио, Тайбэй сияқты Азияның ірі қалаларына жалғасады. Жақын арада жанкүйерлер Huntrexx тобының сахнасын және олардың әлемін өз көздерімен көру мүмкіндігіне ие болады.

Желі қолданушылары бұл жаңалыққа өте қуанышты екенін білдірді. Көпшілігі Huntrexx тобының жаңа шытырман оқиғаларын асыға күтіп жүр. Кейбір жанкүйерлер келесі фильмде одан да көп экшн және жаңа әндер болатынына үміттенуде.