NewJeans тобын кім таңдады? Source Music Мин Хи-Джинді жауапқа тартып, айыптауларға жауап берді

K-pop тобы NewJeans айналасындағы дау-дамай жалғасып, Source Music компаниясы ADOR бұрынғы бас директоры Мин Хи-Джиннің топ мүшелерін таңдау туралы мәлімдемелеріне қатысты өз жауабын берді.

Сәуірдің 7-сі күні Сеулдің Батыс аудандық сотында HYBE еншілес компаниясы Source Music-тің Мин Хи-Джиньге қарсы 500 миллион вон көлеміндегі шығын өтеу туралы талап арызы бойынша төртінші тыңдау өтті.

Source Music-тің заңды өкілдері Мин Хи-Джиннің NewJeans мүшелерін өзі таңдады деген алдыңғы мәлімдемелерін жоққа шығарды. Мұны дәлелдеу үшін, тағылымгерлер кезіндегі жазбалары бар бейнематериалдар ұсынылды.

"NewJeans мүшелерін таңдаған Source Music болды. Сонымен қатар, біз олардың HYBE-нің алғашқы қыздар тобы болатынына ешқашан уәде берген жоқпыз", - деді Source Music-тің заңгері.

Ақпаратқа сәйкес, NewJeans тобының мүшесі Мин-джиді Source Music таңдаған. Хэ-рин Ананг қаласында көшеде кездейсоқ танысып, жұмысқа алынған. Хэ-ин ата-анасын өзі көндіруге мәжбүр болған, ал Даниэль басқа жұмысқа ауысқан қызметкермен бірге Source Music-ке келген. Сондай-ақ, Ханнидің Мин Хи-Джиннің ықпалымен жұмысқа алынбағаны айтылды.

Бұдан бөлек, Source Music: "NewJeans мүшелері HYBE-нің алғашқы қыздар тобы болады деген сеніммен келген жоқ. Даниэльдің жазбасында 'Егер мен толық мүше болмасам, маған қалу немесе басқа топқа ауысу мүмкіндігін беріңіздер' деген сөздер бар", - деп түсіндірді.

Бұған дейін Мин Хи-Джинь өзінің баспасөз мәслихатында NewJeans мүшелерін өзі таңдағанын және 'HYBE-нің алғашқы қыздар тобы' атағын Source Music тобы Le Sserafim-ге бергенін айтқан болатын.

Бұған жауап ретінде, Source Music компаниясы Мин Хи-Джиннің сөздері Le Sserafim-ді "артықшылық алған және басқа топтарға зиян келтірген топ" деген қауесеттерге әкеліп соқтырғанын, бұл көпшіліктің қатты сынына ұшырауына себеп болғанын және осы сот ісіне себеп болғанын мәлімдеді.

Корей интернет қолданушылары бұл жаңалықтарға әртүрлі пікір білдіруде. Кейбіреулер Source Music-ті қолдап, Мин Хи-Джиннің бұрынғы мәлімдемелеріне наразылықтарын білдірсе, басқалары заңды мән-жайларды ескерместен, топтың тезірек шешімге келуін тілеп отыр.