«Аватар: От пен және күл»: Әлемдік премьерасы 17 желтоқсанда Оңтүстік Кореяда өтеді!
Әлемдік кино тарихындағы ең табысты «Аватар» франшизасының келесі бөлімі «Аватар: От пен күл» (Avatar: Fire and Ashes) атты жаңа туындысы 17 желтоқсанда Оңтүстік Кореяда әлемдік тұсаукесерін өткізеді. Бұл фильм Пандора ғаламшарының әсем әлемін от пен күл басып, қараңғы сипатқа енгізетін болады.
Walt Disney Company Korea мәліметіне сүйенсек, бұл туынды алдыңғы бөлімдерде болған қайғылы оқиғалардан кейін, Джейк пен Нейтиридің ұлдары Нетэямды жоғалтуынан туындаған қайғы-қасіретке арналмақ. Бұл трагедия «Күл тайпасын» басқаратын Варанг (Уна Чаплин) есімді жаңа зұлым кейіпкердің пайда болуына алып келеді.
Алдыңғы бөлімдердегі теңіздер мен ормандардан айырмашылығы, «Аватар: От пен күл» фильмінде Пандораның жаңа, қатал бет-әлпеті ашылады. Адамдар мен На'ви тайпалары арасындағы қақтығыстардан бөлек, енді На'ви тайпаларының өздері арасындағы жаңа шиеленіс туындайтыны күтілуде. Жақында жарияланған алғашшқ кадрларда Нейтири (Зои Салдана) мен «Күл тайпасының» көшбасшысы Варанг арасындағы шиеленісті көрініс көрсетілген. Ұлынан айырылған Нейтиридің жүзіндегі қайғы мен ашу-ыза, Салли отбасының алдағы үлкен қауіп-қатерлерге тап болатынын меңзейді.
Бұл фильмде Варанг, вулкандардың салдарынан өз мекендерінен айырылып, Пандораға кек сақтаған кейіпкер ретінде, бұрынғы бөлімнің зұлымы полковник Кворитпен одақтасады деген деректер бар, бұл фильмге қосымша шиеленіс қосады. Джеймс Кэмеронның «Аватар» франшизасы өзінің инновациялық әлемімен бүкіл әлемде үлкен резонанс тудырды. 2009 жылы шыққан «Аватар» фильмі Оңтүстік Кореяда 13,33 миллион көрермен жинап, әлемдік рейтингте әлі күнге дейін бірінші орында тұр. Екінші бөлімі «Аватар: Су жолы» (2022) да Оңтүстік Кореяда 10,8 миллион көрермен жинап, әлемдік рейтингте үшінші орынды иеленді. Бастапқы актерлер Сэм Уортингтон, Зои Салдана, Сигурни Уивер, Стивен Лэнг қайта оралды, сонымен қатар Уна Чаплин, Дэвид Тьюлис сияқты жаңа актерлер де қосылды. 17 желтоқсанда Оңтүстік Кореяда басталатын бұл эпикалық саганың жаңа тарауына дайын болыңыздар.
2009 жылы шыққан «Аватар» фильмі Оңтүстік Кореяда 13,33 миллион көрерменді жинап, әлемдік рейтингте 2,92 миллиард долларға жуық табыспен бірінші орында тұр. 2022 жылы шыққан «Аватар: Су жолы» Оңтүстік Кореяда 10,8 миллион көрермен жинап, әлемдік рейтингте 2,32 миллиард долларға жуық табыспен үшінші орынды иеленді.