Юлдиз Ли Джун YouTube-тегі сынға шыдамай, психологиялық күйзеліске ұшырағанын айтты

Белгілі корей актері Ли Джун, YouTube арнасындағы «Workman» бағдарламасында айтылған сөздері үшін алған сыннан кейін өмірден түңіліп, тіпті өзін өлтіру туралы ойлағанын мойындады.

Жақында «Workman» YouTube арнасында «Диндин Workman-ға жұмысқа тұрады» атты жаңа эпизод жарық көрді. Онда Ли Джун мен әнші Диндин сұхбат беріп, танымал тұлғалардың ақшаға деген көзқарасы туралы айтқан пікірлерінен кейінгі жағдайды талқылады.

Ли Джун өзінің бұрынғы жұмыс тәжірибесін еске алып: «Мен көптеген уақытша жұмыстар істегенмін, ауыр жұмыстар да атқарғанмын. Біздің спорт залымыздағы менеджердің айлығын білемін, мен де сондай табыс табамын» деді.

«Кейде мен не айтып жатқанымды өзім де білмей сөйлеп қаламын», деп ағынан жарылды Ли Джун. Ал Диндин оған: «Міне, мәселе осында. Сен әрқашан өзіңнің шегіңді білуің керек, бірақ сен бәрін ашық тастайсың», деп жауап берді.

Диндин бағдарлама шыққаннан кейінгі жағдайды баяндап берді: «Қызығы сол, біз «2 Days & 1 Night» бағдарламасын түсіріп жатқанда бұл видео шықты. Біз іште ұйықтауға мәжбүр болдық. Халықтың реакциясы біз күткеннен жақсы болды. Ал мен жақсы пікірлер алдым, бірақ Ли Джун ағамызға біреулер кінә тақты», деді.

«Мен одан: «Аға, бәрі жақсы ма?» деп сұрадым. Ол: «Теледидарда көрініс қызықты болса болды ғой» деді. Мен ішімде: «Міне, нағыз жұлдыз, қандай тамаша адам» деп ойладым. Ал келесі күні, үйде кешкі ас ішіп отырғанда, кешкі сағат 8 шамасында, ол маған «Мен өлгім келеді» деп хабарлама жіберді», деп Ли Джунның жантүршігерлік жағдайын баяндады Диндин. Ли Джун жағымсыз пікірлер мен сынның астында қалып, қатты қиналған.

«Мен де қатты уайымдадым. Сол күні бір сағат сөйлестік. Мен оған: «Уайымдама. Сен кінәлі емессің, бұл бір қателік болды» деп айттым», дейді Диндин.

Ли Джун да: «Ол айтқан ақиқат – «Сен қандай да бір қылмыс жасадың ба? Бұл қылмыс емес қой, неге сонша қиналасың?» деген сөздер маған көмектесті. Енді қандай пікір келсе де, мен одан әрі қиналмаймын деп шештім», деді.

Бұған дейін, тамыз айында, Ли Джун мен Диндин «Workman» бағдарламасы аясында арзан кофе желісінде жұмыс істеген болатын. Сол кезде Ли Джун бір қызметкерден: «Сіз қазір көп ақша тауып жүрсіз ғой? Ай сайын 10 миллион вон табыс табасыз ба?» деп сұраған еді.

Оған Диндин: «Міне, жұлдыздардың проблемасы осында. Олар ақшаның құнын түсінбейді. Суперкарлармен жүріп, Дженнидің төсегін пайдаланатындықтан, саналары бұзылған» деп жауап беріп, сол кезде көпшіліктің назарын аударған болатын.

Желі қолданушылары Ли Джунның ашық айтқан сөздеріне қатты алаңдаушылық білдірді. Көпшілік оған қолдау көрсетіп, сын айтушыларды айыптады. "Бұл өте ауыр" және "Ли Джунның тезірек сауығып кетуін тілеймін. Сен жалғыз емессің" деген пікірлер қалдырды.