Disney+ 2025 жылға арналған жаңа жобаларын таныстырды: Ли Дон-ук пен Чон У-сон қатысады
Disney+ компаниясы 2025 жылға арналған жаңа жобаларының тізімін жариялады, оған танымал корей актерлері Ли Дон-ук пен Чон У-сон қатысады.
Бұл туралы жақында Гонконг Диснейленд қоналханасында өткен «Disney+ Originals Preview 2025» іс-шарасында белгілі болды. Бұл шараға Азия-Тынық мұхиты аймағындағы 14 елден 400-ден астам журналист пен сала мамандары қатысып, Disney+ алдағы уақытта шығаратын туындыларымен танысты.
The Walt Disney Company компаниясының Азия-Тынық мұхиты аймағы бойынша басшысы Люк Канг аймақтағы контент өндірісіне деген компанияның үлкен инвестицияларына тоқталды. «Біз Азия-Тынық мұхиты аймағында контент өндіргенімізге 5 жыл болды», - деді Канг. «Бұл біздің төртінші контенттік көрмеміз. Disney+ контентіне көрсеткен махаббаттарыңызға рахмет. Биыл біз іс-шара форматын өзгертіп, оны Гонконгте өткіздік. Алдағы уақытта көптеген жаңа туындыларды және әртүрлі жанрларды ұсынатын боламыз».
Корей нарығына ерекше назар аудара отырып, Канг: «Корей әңгімелері бүкіл әлемдегі көрермендердің жүрегінен орын табады. Келесі жылы біз одан да бай тізімді ұсынамыз. Біздің әңгімелеріміз жасқа, жынысқа немесе аймаққа қарамастан шабыттандырады, байланыстырады және баурап алады. Күтіңіздер!» - деп сендірді.
2025 жылға арналған жобалар қатарында «Jokakdosi», «A Shopping Mall for Killers Season 2», «Fate War», «The Remarried Empress», «Gold Land», «The Bequeathed», «Made in Korea», және «Is This Right 2» сияқты көптеген қызықты туындылар бар.
«Jokakdosi» фильміне қатысқан актер До Кён-су: «Маған бұл кейіпкерді сомдауға деген қорқыныштан гөрі, жаңа рөлді сынап көруге деген құлшыныс басым болды. Бұл кейіпкерді қалай ойнау керектігін, қалай бейнелеу керектігін білгім келді, және бұл фильм түсіру кезінде өте көңілді тәжірибе болды. Қабыл алыңыздар»,-деп бөлісті.
«Made in Korea» жобасына қатысып жатқан Чон У-сон: «Бұл туынды Кореяның жақын тарихындағы нақты оқиғаларға фантастикалық кейіпкерлер мен сюжетті қосады. Әдетте, бұл оқиғаларға араласқан адам мен жағдай арасындағы қарым-қатынас туралы болады, бірақ біздің туындымызда тарихи фактілерге негізделген сюжет бар, сонымен қатар адамның құмарлықтары мен ішкі әлемін көрсетеді, сондықтан сіздерге қызықты болады деп ойлаймын»,-деді.
«A Shopping Mall for Killers Season 2» фильміне қайта оралған Ли Дон-ук: «Жобаның сәтті болатынын білдім, бірақ мұндай танымалдылыққа жететінін ойламадым. Екінші маусымның түсірілуіне қуаныштымын. Екінші маусым туралы естігенде, жауапкершілікті сезіндім. Бірінші маусымды қаншалықты жақсы көргендіктен, одан да көп махаббатқа ие болса екен деп тілеймін. Экшн бірінші маусымға қарағанда ауқымды және әсерлі болады деп ойлаймын»,-деп үміттендірді.
Корей желі қолданушылары бұл жаңалықты қуана қарсы алды. «Мен «A Shopping Mall for Killers» 2-ші маусымын асыға күтемін! Ли Дон-ук керемет!» деп жазды бір пайдаланушы. Басқалары жаңа жобаларға қызығушылық білдірді: «До Кён-су жаңа жанрда? Бұл өте қызықты болады!»