«Dolsingles 4» жұлдыздары қыздарының тұсаукесеріне Кореяға келді

Танымал MBN шоуы «Dolsingles 4»-тің қатысушылары Хи-джин мен Джимми жұбы қыздары Ри-ынның тұсаукесер тойына (должанчи) орай Оңтүстік Кореяға келді.

14-шілде, Хи-джин өзінің әлеуметтік желісінде: «Сүйікті Ри-ын мен Нам-гимен бірге өткізген уақыт үшін алғыс айтамын. Келесі жылы Канадада немесе Кореяда кездескенше», — деп жазды.

Жарияланған суреттерде Хи-джин мен Джимми жұбынан бөлек, Юн Нам-ги мен Ли Да-ын жұбының да балаларымен бірге көңілді уақыт өткізгені көрінеді. Бір маусымда қатыспағанына қарамастан, олардың арасындағы байланыс көпшілікті қызықтырды.

«Dolsingles» арқылы танысып, отбасын құрған тағы бір жұп – Ли Со-ра мен Чхве Дон-хван да Хи-джин мен Джимми жұбымен және «Dolsingles» бағдарламасының ұжымымен кездесті. Ли Со-ра қуанышын білдіріп: «4-ші маусымда мен қолдаған Хи-джими жұбының бүгінде әулет болып, сүйкімді ханшайым Лорамен бірге отбасы ретінде кездескеніме өте қуаныштымын», — деді.

«Dolsingles 4» бағдарламасында танысып, өткен жылы үйленген Хи-джин мен Джимми жұбының қазір бір қызы бар.

Кореялық желі қолданушылары «Dolsingles» жұптарының кездесуіне қатты қуанып жатыр. Көптеген көрермендер шоудан кейін де бұрынғы қатысушылардың арасындағы достықты жоғары бағалады. "Шоудан кейін де олардың жақын қарым-қатынаста болғанын көру тамаша", - деп жазды бір тыңдарман.