Қазақстандықтар да тағатсыздана күткен «2025 MAMA AWARDS»: Қос аңыз - Чоу Юн-Фат пен Мишель Йео қатысады!
Әлемге әйгілі K-POP марапаттау шарасы «2025 MAMA AWARDS» өзінің қосымша жұлдызды құрамын жариялап, көрермендерді тағы бір мәрте тәнті етті. Бұл жолы, Голливудтың аты аңызға айналған актері Чоу Юн-Фат (Chow Yun-fat) шараның арнайы қонағы болады. 26 жыл бойы K-POP-тың әлемдік аренадағы беделін нығайтып келе жатқан «2025 MAMA AWARDS» биыл 28-29 қараша күндері Гонконгтағы Кай Так стадионында (Kai Tak Stadium) өтеді.
«Қылышкер арыстан» (Crouching Tiger, Hidden Dragon) және «Жақсы күн» (A Better Tomorrow) сияқты фильмдерімен әлемдік мойындауға ие болған Чоу Юн-Фат, өзінің ерекше харизмасымен және адамгершілік келбетімен сан буын көрермендерді баурап алған. Ол Азиядан шыққан алғашқы Оскар иегері, актриса Мишель Йеомен (Michelle Yeoh) бірге сахна төріне шығады. Бұл екі халықаралық жұлдыздың қатысуы шараға үлкен қызығушылық тудыруда.
CJ ENM өкілі: «Азия мәдениетінің символына айналған, бүкіл әлем сүйетін актер Чоу Юн-Фат пен Мишель Йеоның қатысуы K-POP пен K-контент жанрларының шекарасын бұзып, ерекше байланыс орнатады деп күтеміз», - деп мәлімдеді.
Бұған дейін шараға қатысатын танымал тұлғалардың тізімі жарияланған болатын. Олардың арасында Го Юн-джонг, Пак Хён-шик, Шин Сын-хун, Ан Хё-соп, Ли До-хён сияқты K-контентті әлемге танытқан тұлғалар бар. Енді Мишель Йео мен Чоу Юн-Фат қосылғанда, жалпы марапаттаушылар саны 27-ге жетті.
Сонымен қатар, TXT тобының мүшесі Ёнджун (Yeonjun) да сахнада өнер көрсетеді. Өткен жылы «2024 MAMA AWARDS»-тағы өнерімен көпшілікті тәнті еткен Ёнджун, жақында шыққан өзінің алғашқы соло альбомымен Billboard 200 чартында жоғары орынға ие болды. Ол «2025 MAMA AWARDS» сахнасында өзінің жаңа әндері «Talk to You» және «Coma»-ны алғаш рет орындайды.
«2025 MAMA AWARDS» шарасына Visa компаниясы бас демеуші ретінде қатысады. Гонконгтағы Кай Так стадионында екі күн бойы өтетін бұл іс-шара Mnet Plus және басқа да цифрлық платформалар арқылы бүкіл әлемге тікелей эфирде көрсетіледі.
Желідегі корейліктер бұл халықаралық жұлдыздардың келуіне үлкен қуаныш білдіруде. «Уау, Чоу Юн-Фат пен Мишель Йео MAMA-да ма? Бұл нағыз арманның орындалғаны!», «Бұл екі аңызды K-POP сахнасында көруді асыға күтіп жүрмін, биылғы шара ерекше болады деп ойлаймын.»