«5 минут между нами» фильмі Лондондағы LGBTQ+ кинофестивалінде үздік фильм атанды!

2001 жылы екі жас баланың сүйікті музыкасы мен құпия сырларын бөліскен оқиғасын баяндайтын «5 минут между нами» (5 Minutes Between You and Me) фильмі халықаралық аренада тағы да мойындалды.

Аталмыш туынды жақында Шығыс Лондондағы LGBTQ+ кинофестивалінде (East London LGBTQ+ Film Festival) үздік фильм жүлдесін иеленді. Бұл режиссер Uhm Ha-neul-дің алғашқы толықметражды дебюті. Бұған дейін «Питер Пэннің арманы» (Peter Pan's Dream) және «Табылмады» (Cannot Find) сияқты қысқа метражды фильмдерімен өзіндік көзқарасы мен лирикалық сезімталдығын танытқан режиссер үшін үлкен жетістік.

«5 минут между нами» фильмі бұған дейін де көптеген отандық және халықаралық кинофестивальдерде көрермендердің ықыласына бөленген болатын. Атап айтқанда, 20-шы Jecheon халықаралық музыка және кинофестивалінде (Jecheon International Music & Film Festival) үздік фильм аталымы бойынша жүлде алса, 20-шы Осака Азия кинофестивалінде (Osaka Asian Film Festival) ең креативті фильмге берілетін JAIHO сыйлығына ие болды. Сонымен қатар, 27-ші Jeongdongjin тәуелсіз кинофестивалінде (Jeongdongjin Independent Film Festival) «Ddangdangdang» сыйлығын да қанжығалады.

Лондонның шығыс бөлігінде өтетін бұл LGBTQ+ кинофестивалі - квир кинематографиясы үшін маңызды оқиға. Мұнда толықметражды және қысқа метражды фильмдер, музыкалық бейнеклиптер сияқты әр алуан туындылар көрсетіледі. «5 минут между нами» «Green» секциясында көрсетіліп, үздік толықметражды фильм атағын жеңіп алды.

Қазіргі таңда «5 минут между нами» фильмі кинотеатрларда табысты көрсетіліп жатыр және әлемнің жетекші кинофестивальдерінен үнемі шақырулар алып отыр.

Қазақстандық көрермендер фильмнің екі жасөспірім арасындағы достықты нәзік суреттегеніне жоғары баға беріп, әлеуметтік желілерде пікір қалдыруда. Фильмнің қазақ тіліне аударылып, көрсетілуін асыға күтуде.