Түсірілім алаңында махаббат: «Мектеп 2013» жұлдыздары Пак Се-ёң мен Квак Чон-ук жұбы 200 күндік сәбилерінің суретін жариялады

«Мектеп 2013» драмасында бірге ойнаған актерлар Пак Се-ёң мен Квак Чон-ук жұбы, жанкүйерлерін қуантты. Бұл екеуі «Мектеп 2013» сериалында қарама-қарсы рөлдерді сомдағаннан кейін, шын өмірде бір-біріне ғашық болып, 2022 жылы шаңырақ көтерген еді. Енді олардың сәбиі 200 күнге толғаны туралы қуанышты жаңалықтарымен бөлісті.

Пак Се-ёң өзінің әлеуметтік желісінде: «Басқа балалар тез өседі, бірақ біздің бөпеміз 100 күннен асып, 200 күнге жақындап қалды» деп жазып, отбасылық суреттерін жариялады. Бұл суреттер жанкүйерлер арасында үлкен қызығушылық тудырды.

2012-2013 жылдары шыққан «Мектеп 2013» сериалында Пак Се-ёң үлгілі оқушы, ал Квак Чон-ук бұзық оқушы рөлінде ойнаған болатын. Бірақ, сериалдан кейін олардың арасындағы достық махаббатқа ұласып, 2022 жылы тұрмыс құрды. Биыл сәуір айында олардың алғашқы сәбиі дүниеге келген болатын.

Олардың бақытты отбасылық өмірі туралы жаңалықтары жанкүйерлерді өте қуантты.

Корей желі қолданушылары «Мектеп 2013» әлемінің шынайы финалы» және «Нағыз өмірдегі үздік оқушы мен бұзық жігіт жұбының толыққанды көрінісі» деп, өз ризашылықтарын білдірді.