ILLIT жапондық "Record Awards" марапатында қатарынан екінші жыл жеңімпаз атанды!
K-pop тобы ILLIT, "67-ші Жапондық рекорд марапатында" қайтадан тарихқа енді. Топ мүшелері Юна, Минжу, Мока, Вон-хи және Ироха, "Almond Chocolate" әні үшін беделді "Үздік жұмыс сыйлығын" (Excellence Award) алды.
Бұл сыйлық, сол жылдың көркемдік, ерекшелік және танымалдылық деңгейін көрсететін 10 үздік әнге беріледі. Биыл бұл санатқа тек ILLIT ғана халықаралық әнші ретінде ұсынылды. Сонымен қатар, K-pop тобының жапон тіліндегі алғашқы әнінің "Үздік жұмыс сыйлығын" алуы - бұл тарихта бірінші рет. "Үздік жұмыс сыйлығын" алған 10 ән, Гран-при (Grand Prix) сыйлығына да үміткер болады. Осылайша, желтоқсанның 30-ында TBS арнасында тікелей көрсетілетін марапатта ILLIT-тің Гран-при сыйлығын жеңіп алатынына қызығушылық артып отыр.
1959 жылдан бері Жапон композиторлар қауымдастығы ұйымдастыратын Жапондық рекорд марапаты, Жапониядағы ең көне және беделді музыкалық сыйлықтардың бірі болып табылады. Өткен жылы ILLIT "Magnetic" дебют әнімен "Үздік жаңа артист сыйлығын" (Best New Artist Award) алған болатын. Бұл K-pop қыздар тобына 13 жылдан кейін берілген алғашқы сыйлық еді. Әсіресе, Жапонияда ресми альбом шығармаған халықаралық артистің бұл сыйлықты алуы ерекше жағдай болды.
ILLIT тобы агенттіктері Belift Lab арқылы өз қуаныштарымен бөлісті: "Өткен жылғыдай, биыл да маңызды сыйлықты екінші рет алғанымызға өте қуаныштымыз. "Almond Chocolate" әнін қолдағандарыңызға көп рахмет", - деді олар. "Алдағы уақытта да көпшіліктің жүрегіне жететін музыкамен қуанта беруге тырысамыз", - деп сөздерін қосты.
"Almond Chocolate", биыл ақпанда жапондық "I Don't Like Just Your Face" фильмінің саундтрегі ретінде шығарылды. Бұл ән өзінің нәзік мелодиясымен және ILLIT тобының мөлдір дауыстарымен Жапонияда үлкен танымалдылыққа ие болды. Ән шыққаннан бес ай ішінде 50 миллион тыңдалымнан асып, Жапон рекордтар қауымдастығынан (RIAJ) "Алтын" сертификатын алды. Бұл биыл шыққан халықаралық әндер арасында бұл көрсеткішке ең жылдам жеткен ән болып табылады.
ILLIT тобы биыл қыркүйекте "Toki Yo Tomare" (時よ止まれ) атты алғашқы жапон синглімен ресми түрде дебют жасап, негізгі музыкалық чарттарда бірінші орындарды иеленді. Осы табыстарының арқасында, ILLIT екінші жыл қатарынан Жапонияның жыл сайынғы "Kohaku Uta Gassen" және "FNS Music Festival" музыкалық фестивальдеріне қатысатыны расталды.
Сонымен қатар, ILLIT тобы қарашаның 24-і күні "NOT CUTE ANYMORE" атты бірінші сингл альбомымен жанкүйерлеріне оралады. Жаңа шығарылымды тойлауға арналған поп-ап іс-шара Сеулдегі Gangnam-gu, Ktown4u COEX-те қарашаның 25-і мен 30-ы аралығында өтеді.
Корейлік желі қолданушылары ILLIT тобының жетістіктеріне үлкен қуанышпен жауап берді. "ILLIT тарих жазып жатыр! Олар үшін мақтанышпыз!" және "Олардың таланты Жапонияда мойындалып жатыр, тамаша!" сияқты пікірлер жиі кездесті.