EXO 2026 жылы 'REVERXE' атты жаңа альбом шығарады
Танымал K-pop тобы EXO 2026 жылды жаңа, сегізінші толықметражды альбомы 'REVERXE' (Риверс) шығарылымымен бастайды. Бұл туралы SM Entertainment хабарлады. Альбом 2026 жылдың 19 қаңтарында жарық көрмек.
Жаңа альбомда барлығы тоғыз ән болады. EXO тобының ресми әлеуметтік желілерінде жаңа логотип бейнесі жарияланып, көпшіліктің қызығушылығын тудырды. Бүгіннен бастап, альбомды әртүрлі онлайн және офлайн музыкалық дүкендерден алдын ала тапсырыс беруге болады.
Бұл EXO тобының 2023 жылдың шілдесінде шыққан және жетінші 'million-seller' рекордын орнатқан 'EXIST' (Эгзист) атты жетінші толықметражды альбомынан кейінгі алғашқы альбом. Әлемдік музыка жанкүйерлері шамамен екі жарым жылдан соң шығатын бұл жаңа туындыға ерекше қызығушылық танытуда.
Альбом шықпас бұрын, EXO 14 қаңтарда Inspire Arena-да 'EXO’verse' (Эксоверс) атты фанмитинг өткізді. Кеш барысында топ 'I’m Home' (Айм Хоум) атты жаңа әнін, сондай-ақ 'Growl' (Гроул), 'Miracles in December' (Мираклс ин Дисембер), 'Peter Pan' (Питер Пэн), 'Love Shot' (Лав Шот) және тағы басқа да танымал әндерін орындады. Сонымен қатар, түрлі ойындар мен челлендждер арқылы жанкүйерлермен көңілді уақыт өткізді.
Фанмитингте топ мүшелері: "Біз осы күн туралы жыл басынан бері армандадық, міне, арманымыз орындалды. Бізге сеніп, бізді күткен EXO-L (Эксо-Эл) қауымына алғысымыз шексіз. Алдағы уақытта да сіздердің алдарыңызда тағы да тамаша қырымызды көрсетеміз. 2026 жылды EXO-мен толтыруға тырысамыз", – деп, жанкүйерлердің үмітін үстей түсті. Жақын адамдарымен мерекелік кезеңді бірге өткізу мақсатында жанкүйерлер қызыл-жасыл түсті киімдер киіп, "Әрқашан, қайда да біз EXO-ның жанындамыз", "EXO-L-дың махаббаты ешқашан таусылмайды" деген жазулары бар баннерлерді көтерді.
EXO-ның жаңа альбомы туралы жаңалықты естіген корейлік жанкүйерлер желіде қуаныштарын жасыра алмай жатыр. "Әйтеуір келді!", "Жаңа әндерін асыға күтемін" деген сияқты пікірлер желіде көптеп таралуда. Топтың жанкүйерлері жаңа шығарманы және алдағы жобаларды үлкен қызығушылықпен күтуде.