Әнші Jvcki Wai-дың экс-жігітіне қатысты зорлық-зомбылық туралы мәлімдемесі: AOMG жауап берді

Корейлік рэпер Jvcki Wai (Чакки Вай) музыкалық продюсер әрі бұрынғы жігіті Vangdale (Вандейл) тарапынан тұрмыстық зорлық-зомбылық көргенін мәлімдеді. Бұл туралы әнші өзінің әлеуметтік желісінде жазба жариялап, денесіндегі көгерген жерлердің суреттерін көрсеткен.

Jvcki Wai-дың айтуынша, ол екі апта бойы үйінен шыға алмаған. Оның сөзіне сенсек, Vangdale есігін қағып, есік коды арқылы үйге кіруге тырысқан, тіпті сол күні оны үйден шығармаған. "Біздің арамыздағы қарым-қатынасты түбегейлі тоқтатудың жалғыз жолы осы болды", - деп жазды әнші, осы мәлімдемеден кейін оған бұрынғы жігітінің хабарласуын тоқтатқанын айтты.

Әнші сондай-ақ, зорлық-зомбылық жасады деп айыпталған Vangdale-ға тиесілі деп есептелетін электронды хаттар мен дауыс жазбаларын да жариялады. Осы кезде Vangdale өзінің әлеуметтік желісінде жазба жариялап, "Мен тыныштандыруға тырысқанда жарақат алған адамның суретін көрсетіп, мені қорлап отырсың" деп айыптауларды жоққа шығарды.

Jvcki Wai мен Vangdale бұған дейін 2023 жылдың шілде айында шыққан Jvcki Wai-дың "MALLAM" атты толықметражды альбомында бірлесіп жұмыс істеген. Альбомдағы барлық әндерді Vangdale продюсерлік еткен. Сонымен қатар, олар 2023 жылдың ақпан айында "Spoil U" атты бірлескен синглін де шығарған.

Jvcki Wai өзінің жазбасында Vangdale оны қамап, қарумен қорқытқанын да айтты. Ол тіпті оның агенттігіне де шағымданғанын, бірақ кейіннен әлсіздік танытып, оны кешіргеніне өкінетінін жеткізді.

Jvcki Wai 2016 жылы "Exposure" атты алғашқы EP-мен ресми түрде дебют жасаған. Қазіргі уақытта ол AOMG лейблінің әртісі болып табылады. Vangdale рэпер Sik-K (Сик-К) құрған KC продюсерлік компаниясының продюсері.

Бұл жаңалық корей интернет қолданушыларын бей-жай қалдырмады. Көпшілік Jvcki Wai-ға қолдау білдіріп, "Шындықты айтуға батыл болғаныңыз үшін рахмет" және "Әділдік жеңсін" деген пікірлер қалдыруда. Кейбір желі қолданушылары бұл жағдайға қатты алаңдаушылық білдіріп, зорлық-зомбылықты айыптауда.