Ю Бён-джэ жасөспірім қыздарға 10 миллион вон қайырымдылық жасады

Белгілі жазушы әрі тележүргізуші Ю Бён-джэ әйелдер мен жасөспірімдерге арнап 10 миллион вон (шамамен 3,8 млн теңге) қайырымдылық жасады.

17 қыркүйекте Ю Бён-джэ әлеуметтік желіде "Сіздердің лайктарыңызды алғым келеді. Қажетті заттарға арналған қайырымдылық" деген жазбамен сурет жариялады. Суретте ол G-Foundation қорына 10 миллион вон аударғаны көрсетілген, бұл қаражат қыздарға арналған қажетті заттарды сатып алуға жұмсалады.

Бұл игі ісі үшін ол көптеген "лайк" жинады. Бұған дейін, 13 қыркүйекте MBC арнасындағы "Тәжірибенің толық көрінісі" бағдарламасында Ю Бён-джэ биылғы жылы компаниясының табысы 10 миллиард вонға жеткенін айтып, көрермендерді таң қалдырған болатын.

Кореялық желі қолданушылары Ю Бён-джэнің бұл жомарттығына таңданыс білдіріп, "Нағыз азамат!", "Мұндай адамдар көп болса екен" деген сияқты пікірлер қалдыруда.