BTS тобының мүшесі Шуга екі жылдан кейін Instagram-да жаңалықтарымен бөлісті

Әлемге танымал K-pop тобы BTS-тің мүшесі Шуга екі жылдық үзілістен кейін әлеуметтік желіде өзі туралы жаңалықтармен бөлісті.

Осы айдың 22-күні әнші Instagram парақшасында ешқандай жазбасыз бес сурет жариялады. Соңғы рет 2023 жылдың 25 тамызында жазба қалдырған болатын.

Жаңа суреттерде Шуга бетон қабырғалармен қоршалған бөлмеде электрогитара ұстап, сәлбеңдеп тұр. Бұл күтпеген жаңалықтар әлемдегі жанкүйерлерді бірден қуанышқа бөледі.

Бұған дейін, өткен жылдың тамыз айында Шуга маса күйінде көлік басқарғаны үшін 15 миллион вон көлемінде айыппұл төлеуге мәжбүр болған. Сол кезде ол "байқаусыздан жасаған әрекеті үшін" көпшілік алдында кешірім сұрап, "енді ешқашан қателік жасамауға тырысатынын және өкінетінін" айтқан.

Сонымен қатар, Шуга жақында Северанс ауруханасына 5 миллиард вон көлемінде ақшалай көмек көрсетіп, жомарттығын танытты. Бұл қаражат аутизммен ауыратын балаларды емдеуге арналған арнайы орталықты құруға жұмсалады.

Шуга BTS тобының рэпері және ән жазушысы ретінде ғана емес, сонымен қатар Agust D лақап атымен жеке мансабында да табысты болған. Оның әндері көбінесе жеке қиындықтар мен әлеуметтік мәселелерді бейнелейді. Ол Оңтүстік Кореяның ең ықпалды музыкалық продюсерлерінің бірі болып саналады.