К-попын ирээдүй: EL CAPITXN-ы оролцсон V.A.F Showcase амжилттай боллоо
БНСУ-ын Сөүл хотын Аржу Чондамд арваннэгдүгээр сарын 1-нд 'V.A.F Showcase' (Virtual Artist Festival Showcase) буюу Виртуал Уран бүтээлчдийн Фестивалийн Шоукейс амжилттай зохион байгуулагдлаа. Энэхүү арга хэмжээний гол зочноор К-попын алдарт продюсер, DJ EL CAPITXN оролцсон юм.
Шоукейст EL CAPITXN, AXIN, BEWAVE, INXIA, Но Мин-ү зэрэг бодит болон виртуал уран бүтээлчид нэгэн тайзнаа цуглаж, тоглолт, үзэсгэлэн, туршлагаас бүрдсэн өвөрмөц контентыг үзэгчдэд хүргэсэн. Энэ нь К-поп болон виртуал контентыг хослуулсан шинэлэг хэлбэрийг танилцуулсан явдал байлаа.
"V.A.F, Бодит байдлаас харьцангуй ертөнц рүү" гэсэн уриан дор зохион байгуулагдсан тус арга хэмжээнд бодит уран бүтээлчид болон дижитал ертөнцийн төлөөлөл болсон аватарууд хамтран, түүх өгүүлэх, технологи, хөгжмийг хослуулсан шинэлэг бүтээлч оролдлогыг харуулсан. Үзэгчид биет оршихуйг давж, виртуал IP-ийн өгүүлэмж, сэтгэл хөдлөлд автан, шинэ төрлийн тоглолтыг мэдэрсэн.
BEWAVE хамтлаг TikTok-оор дамжуулан шүтэн бишрэгчидтэйгээ шууд тоглоом тоглож, дэлхийн өнцөг булан бүрт байгаа фэнүүдтэйгээ харилцах боломжийг бүрдүүлэв. Мөн INXIA-гийн виртуал DJ-ийн туршилтын үзүүлбэр, AR-д суурилсан баатруудыг цуглуулах туршлага, тус тусын ертөнцтэй холбогдсон виртуал бэлэг дурсгалын зүйлсийн үзэсгэлэн зэрэг нь орчин үеийн болон бодит ертөнцийн холимог шинэ төрлийн тоглолт, үйл ажиллагааг мэдрэх боломжийг үзэгчдэд олгосон.
Royal Streamer-ийн төлөөлөгч хэлэхдээ, "EL CAPITXN-ы DJ тоглолт зэрэг К-поп уран бүтээлчид болон виртуал IP-ийн бүтээсэн энэхүү шоукейс нь бодит болон виртуал ертөнцийн хил хязгаарыг үгүй хийх хөгжмийн туршилт бөгөөд дэлхийн өнцөг булан бүрт байгаа шүтэн бишрэгчдийг нэгэн зэрэг оролцуулах боломжтой олон улсын харилцаа холгооны платформ байлаа. Бид цаашид БНХАУ, Япон зэрэг Азийн гол зах зээлүүдэд К-поп виртуал шоуг үргэлжлүүлэн, тоглолт болон харилцан үйлчлэх контентыг дэлхий даяар өргөжүүлэх болно" гэв.
Солонгосын интернэт хэрэглэгчид энэхүү шоукейсыг "ирээдүйн шоу" хэмээн магтаж, бодит болон виртуал уран бүтээлчдийн нэгдэл нь гайхалтай байсныг онцолжээ. Тэд мөн ийм төрлийн арга хэмжээнд дахин оролцох хүсэлтэй байгаагаа илэрхийлсэн байна. Фэнүүд нь хөгжмийн салбарт шинэ зүйл хийснийг өндрөөр үнэлж байна.