LOVELYZ хамтлагын гишүүн Чон Йе Ин "IN the Frame" нэртэй анхны бие даасан тоглолтоо хийнэ

LOVELYZ хамтлагын гишүүн Чон Йе Ин арваннэгдүгээр сард анхны бие даасан тоглолтоо хийж, шүтэн бишрэгчидтэйгээ уулзахаар бэлдэж байна.

Йе Ин "2025 YEIN 1st SOLO CONCERT ‘IN the Frame’" нэртэй бие даасан тоглолтоо арваннэгдүгээр сарын 29-30-ны өдрүүдэд Сөүлийн Мапогу дахь H-Stage танхимд хийнэ.

Ёсдүгээр сарын 2-ны өдөр тэрбээр өөрийн албан ёсны сошиал хуудсаараа "NOIR" тоглолтын постероо цацаж, олны анхаарлыг татлаа. Хар цагаан өнгөөр ​​хийгдсэн постерон дээр "IN the Frame" гэсэн тоглолтын нэр бичсэн бөгөөд Йеин цав цагаан цамц, зангиатай, хуучны загварын сандал дээр сууж, камер луу ширтэн сэрүүн байдлаа харуулжээ. Йеиний онцгой төрх нь түүний анхны бие даасан тоглолтын талаарх хүлээлтийг өндрөөр нэмэгдүүлсэн.

Энэхүү тоглолт нь түүний дебют хийснээс хойших анхны бие даасан тайзны үзүүлбэр тул маш их анхаарал татаж байна. Ялангуяа, бүхэлдээ амьд хамтлагийн хөгжмөөр хийгдэх тул өндөр чансаатай дуу чимээ, өргөн хүрээний хөгжмийн өнгө аясыг харуулах төлөвтэй байна.

Йеин нь тайзан дээр урьд өмнө нь үзүүлж байгаагүй шинэ туршилтуудыг хийхээр удаан хугацаанд бэлдэж ирсэн тул шүтэн бишрэгчиддээ гүн сэтгэл хөдлөл, онцгой туршлагыг бэлэглэнэ гэж найдаж байна.

Йеиний "IN the Frame" нэртэй бие даасан тоглолтын тасалбар арван гуравны өдөр 20:00 цагаас Ticketlink сайтаар худалдаалагдаж эхэлнэ.

Нэмж дурдахад, Йеин тоглолтынхоо талаар албан ёсовнаас зарлахаас өмнө албан ёсны сошиал хуудсандаа гэнэтийн "coming soon" видеогоо цацаж, шүтэн бишрэгчдийнхээ сониуч занг дээд цэгт нь хүргэсэн.

Солонгосын интернэт хэрэглэгчид "Ёс хийв дээ!", "Нэг л удаа ирнэ гэж найдаж байсан", "Түүний анхны бие даасан тоглолтыг тэсэн ядан хүлээж байна" гэх зэрэг сэтгэгдлүүдээр баяр баясгалантай байгаагаа илэрхийлжээ. Тэрээр өөрийн үзэмжтэй дүр төрх, шинэлэг байдлаараа онцлогтой.