жүжигчин Сон Кан эргэн ирсэн! Цэргийн албаа хааж дууссан тэрбээр фэн уулзалтаа зарлалаа.

Олон мянган шүтэн бишрэгчдийн хайртай жүжигчин Сон Кан цэргийн албаа бүрэн хааж, фэнүүдээ баярлуулахаар бэлэн боллоо.

Дөрөвдүгээр сарын 2-ны өдөр Сон Кан өөрийн инстаграм хуудсандаа "2024.04.02~2025.10.01" гэсэн товч тайлбар болон хэд хэдэн зургийг нийтэлжээ. Эдгээр нь түүний нэг жил зургаан сар үргэлжилсэн цэргийн албаны үеэр авахуулсан зурагнууд юм. Тэрээр өнгөрсөн оны дөрөвдүгээр сарын 2-нд албандаа орсон билээ.

Зургуудаас харахад Сон Кан цэргийн дүрэмт хувцастай байсан ч өөрийн гоо үзэсгэлэнг гайхалтай харуулж байна. Түүний өндөр хамар, том нүд зэрэг царайлаг төрх нь ойрын селфи зурагнуудад улам тодорч харагдана. Цэргийн малгай томдсон мэт харагдах түүний жижигхэн царай нь алхаатай зураг дээр онцгой сэтгэгдэл төрүүлж байна.

Жүжигчний албаа хааж дууссаны дараа түүний хамт ажилладаг уран бүтээлчид болон шүтэн бишрэгчид "Цэргийн албаа хааж дууссан явдалд баяр хүргэе" зэрэг сэтгэгдлээр угтан авчээ.

Сон Кан удалгүй үзэгчдийнхээ хайрыг татсан уран бүтээлүүддээ эргэн орох бөгөөд энэ арваннэгдүгээр сарын 8-нд "ROUND 2" нэртэй фэн уулзалтаа хийнэ. Уулзалт Сөүлийн Яньсэй их сургуулийн Ойн баярт зориулсан концертын танхимд болох юм.

"ROUND 2" хэмээх нэр нь авто уралдааны дараагийн шатыг илэрхийлдэг бөгөөд Сон Каны анхны үсэг "S"-ийг эргүүлж "2" болгон дүрсэлсэн нь түүний "хоёр дахь үе" болон "шинэ эхлэл" гэсэн утгыг илэрхийлдэг байна. Фэн уулзалтын сурталчилгаанд Сон Кан хар өнгийн уралдааны хувцастай, хүчирхэг харцаар харагдаж байна.

Сон Кан арваннэгдүгээр сард зөвхөн БНСУ-д төдийгүй Хятад, Япон улсуудад ч фэн уулзалт хийхээр төлөвлөжээ. Түүний "Namoo Actors" агентлагаас "Сон Кан албанаасаа ирсний дараа анх удаа фэн уулзалт хийж, "Сонпхен" (Сон Каны фэн клубын нэр) -тэйгээ уулзах гэж байна. Хүлээсэн шүтэн бишрэгчдийнхээ төлөө олон зүйлийг бэлдэж байгаа тул Сон Кан болон түүний шүтэн бишрэгчдийн хувьд аз жаргалтай дурсамжтай үйл явдал болно гэж найдаж байна" гэж мэдэгджээ.

Солонгосын интернэт хэрэглэгчид "Манай жүжигчин эргэн ирлээ!", "Тэр цэргээс гараад ч хэвээрээ л гоё байна" хэмээн сэтгэгдэл үлдээж, түүнийг халуун дотноор угтан авчээ. Фэнүүд түүний фэн уулзалтыг тэсэн ядан хүлээж байгаагаа илэрхийлсэн.