Ким Жежун цэргийн алба хааж байхдаа "Үхлийн дэвтэр"-ийн тухай цуулийг тайллаа

Алдарт дуучин, уран бүтээлч Ким Жежун саяхан "Pubstaurant" вэб шоунд зочноор оролцож, цэргийн алба хааж байх үеийнхээ нэгэн сонирхолтой цуу ярианы талаар хуваалцлаа.

Хөтлөгч Го Со-ён түүнийг "жинхэнэ нөлөөтэй хүн", "цэргийн алба хааж байхад 146 хүн зочилж ирсэн үү" хэмээн асуухад, Ким Жежун "Намайг дагалдаж ирсэн найз нөхөд, танилуудыг оруулаад 200 гаруй хүн байсан байж магадгүй" хэмээн хариулжээ.

Тэрээр "Би цэрэгт явахаасаа өмнө надад ойр байдаг хүмүүсийн нэрийг дэвтэрт бичсэн юм. Хэн ирснийг тэмдэглэж байсан. Тэгсэн чинь "Ким Жежун Үхлийн дэвтэр хөтөлдөг, хүн аллагын жагсаалт бичдэг, ирвэл аймар болно, нэр нь бичигдэнэ" гэсэн цуу яриа гарсан. Ийм учраас энэ нь Үхлийн дэвтэр гэж цуурах болсон" хэмээн тайлбарлав.

Үүний хариуд Го Со-ён "Тэр бол өөр утгаараа Үхлийн дэвтэр шүү дээ" хэмээн хөгжилтэй хариу өгчээ.

Үүнээс өмнө, Ким Жежун "Friend Jae" нэвтрүүлэг дээр найзуудаа урьж байхдаа "1/147 KOREA ARMY" гэсэн анхны санааг хэлэхэд тэрээр "Тийм ээ! 147 нь намайг зорин ирсэн хүмүүсийн тоо" хэмээн баярлаж байсан удаатай. Тэрээр "Би талархлын дэвтэр хөтөлдөг байсан ч, эргэн тойрны хүмүүс нь "Үхлийн дэвтэр" хөтөлдөг гэж хошигнож, хэрэв зочилж ирэхгүй бол тэр дэвтэрт бичигдсэн хүнд том нүд үзүүлнэ гэсэн цуу яриа гарсан" хэмээн нэмж ярьсан нь инээд хүрмээр байв.

Ким Жежуны тайлбарыг сонссон Солонгосын интернэт хэрэглэгчид маш их инээлдэж, "Энэ бол үнэхээр Жежун шиг санагдлаа, үргэлж хүнтэй ойр байдаг", "Найзууд нь жагсаалтанд орохоос айгаад л очдог байсан байх даа!", ""Үхлийн дэвтэр"-ийн цуу яриа бол үнэхээр алдартай болсон шүү" гэх зэрэг сэтгэгдлүүдийг үлдээжээ.