WEi хамтлаг "Wonderland" цомогтоо бэлдэж, эргэн ирэлтэдээ бэлэн боллоо!
WEi хамтлаг "Wonderland" хэмээх шинэ мини цомгоо гаргахаар бэлдэж, дэмжих төлөвлөгөөгөө танилцууллаа.
Өнөөдөр буюу 7-ны өдөр БНСУ-ын цагаар шөнийн 0 цагт WEi хамтлаг албан ёсны сошиал хуудсуудаараа "Wonderland" мини цомгийн дэмжих төлөвлөгөөг нийтэлжээ. Энэхүү төлөвлөгөөний дагуу хамтлаг нь тизер видео, дууны жагсаалт, онцлох хэсгүүдийн видео, клипийн тизер зэрэг олон төрлийн контентыг цацах юм байна.
Ялангуяа "Wonder" болон "Haven" гэсэн хоёр өөр стильтэй концепт зурагнууд нь фэнүүдийн хүлээлтийг улам бүр нэмэгдүүлж байна.
"Wonderland" нь WEi хамтлагийн найм дахь мини цомог бөгөөд энэ онд буюу нэгдүгээр сард гарсан "The Feelings" мини цомгоос хойш найман сарын дараа гарах гэж буй шинэ цомог юм. WEi "Wonderland" цомгоороо дамжуулан өөрсдийн фэнүүд болох RUi-д зориулсан чин сэтгэлийн хайраа илэрхийлэх болно. "Wonderland" хэмээх нэр нь хамт байхын аз жаргал, баяр баяслыг илэрхийлсэн бөгөөд энэ нь тэдний фэнүүддээ өгөх сэтгэлийн бэлэг болно.
"Wonderland" мини цомгийг 29-ний өдөр БНСУ-ын цагаар 18:00 цагт бүх хөгжмийн платформ дээр цацагдах бөгөөд мөн өдөр 20:00 цагт Сөүл хотын Kвангжин дүүрэгт байрлах YES24 LIVE HALL-д болох шоукейстэйгээр фэнүүдтэйгээ уулзах юм.
Солонгосын интернэт хэрэглэгчид WEi-ийн эргэн ирэлтийг маш их хүлээж байгаагаа илэрхийлж, "Wonderland"-ыг тэсэн ядан хүлээж байна" эсвэл "Концепт зурагнууд нь гайхалтай харагдаж байна!" гэх зэрэг сэтгэгдлүүдийг үлдээжээ.