BTS хамтлагын "Хаврын өдөр" дуу "Rolling Stone" сэтгүүлээс шалгарлаа

K-pop-ын төлөөлөл болсон BTS хамтлагийн "Хаврын өдөр" (Spring Day) дуу нь Америкийн "Rolling Stone" сэтгүүлээс зарласан "21-р зууны шилдэг 250 дуу" жагсаалтын 37-р байрт бичигджээ.

Энэхүү жагсаалтад Корейн дуунаас хамгийн өндөрт бичигдсэн "Хаврын өдөр" нь BTS-ийн дэлхий дахинд үзүүлэх нөлөөг дахин нэг батлан харуулж байна. "Rolling Stone" сэтгүүлд ""Хаврын өдөр" нь 21-р зууны хамгийн том поп хамтлагуудын нэг болох BTS-ийн төлөөлөл болсон дуу юм. Алдагдал дунд үүссэн сэргэлт, итгэлийн мэдрэмжийг дамжуулж, BTS-ийн дэлхий дахинд хүлээн зөвшөөрөгдөхөд чухал үүрэг гүйцэтгэсэн. Мөн "Хаврын өдөр" дуу нь тэдний урлагийн хүчтэй холбоог харуулсан" хэмээн үнэлжээ.

2017 онд гарсан "YOU NEVER WALK ALONE" цомогт багтсан энэхүү дуу нь Корейн Melon платформ дээр 1 тэрбум удаа сонсогдсон анхны дуу болж, хамгийн удаан чартад бичигдсэн түүхийг бүтээсэн юм.

"Хаврын өдөр" нь Британийн рок болон электрон хөгжмийн хослолоос бүрдсэн альтернатив хип-хоп төрлийн дуу бөгөөд RM болон Suga нар өөрсдийн туршлагаасаа сэдэвлэж, холбоо тасарсан найздаа итгэл найдвар хүлээж буй тухай дуулсан. RM нь дууны ая зохиоход ч оролцсон байна. Энэхүү уянгын ая, сайхан үгтэй дуу нь олон хүний сэтгэлд хүрсээр байна.

Саяхан BTS хамтлаг 2026 оны хавар эргэн ирэхээр төлөвлөж байгаа бөгөөд шинэ цомог, дэлхий аялалаа эхлүүлэхээр бэлтгэж байгаа аж.

Солонгосын интернэт хэрэглэгчид "Хаврын өдөр" дууг "Rolling Stone"-д багтсанд маш их баярлаж, "Энэ бол гайхалтай амжилт! "Хаврын өдөр" бол үнэхээр оргил бүтээл", "BTS-ийн дуунууд үргэлж шилдэг нь байдаг" гэх зэргээр сэтгэгдэл үлдээжээ.