Pentagon-ийн экс гишүүн Kino өөрийн шинэ уран бүтээлийн зам болон дотоод мэдрэмжүүдийн тухай баримтат кино гаргалаа

Pentagon хамтлагийн экс гишүүн, уран бүтээлч Kino өөрийн шинэ уран бүтээлийн зам болон дотоод мэдрэмжүүдийн тухай өгүүлэх баримтат киног үзэгчдэд хүргэлээ.

Kino өнгөрсөн сарын 8-ны өдөр өөрийн албан ёсны YouTube сувгаараа хоёр дахь EP "EVERYBODY'S GUILTY, BUT NO ONE'S TO BLAME"-ийн бүтээлийн явцыг харуулсан "NAKED AND PROUD" баримтат киноны эхний ангийг "HOW TO BE NAKED" нэрээр цацлаа.

Нийт 3 ангиас бүрдэх энэ баримтат кинонд Kino-г бие даасан агентлагаа байгуулсны дараа өөрийн хүссэн хөгжмийг бүтээхийн төлөө тэмцэж буй бодит амьдралыг харуулдаг. Альбомын бүтээлээс эхлээд хамт олны хөгжмийн бүтээл, зураг авалтын ард талын сонирхолтой мөчүүдийг дэлгэн харуулж, хэвшмэл дүр төрхөөс ангид, шинээр өөрчлөгдөж буй хувийнхаа айдас, бодлуудыг бүрэн илэрхийлжээ.

Нээлтийн эхний ангидаа Kino, "ялагдахыг мэдэхгүй" байсан дадлага хийгч байхаас эхлээд Pentagon хамтлаг дахь үйл ажиллагаа, одоогийн үеийг хүртэлх 15 жилийн хугацааны замналыг "намайг уучлаарай" гэх маягаар ярьж өгсөн.

Хамтлаг дахь үйл ажиллагааныхаа талаар дурсахдаа тэрээр "Pentagon-ыг өрөвдөлтэй дүр төрхөөр сурталчилсан хэсгийг би үнэхээр өөрчлөхийг хүсч байна. Бид бол гайхалтай хамтлаг, сайн хүмүүс цугларсан баг" хэмээн бахархлаа илэрхийлсэн. Тэрээр "Би үргэлж фэнүүддээ бахархлыг л мэдрүүлэхийг хүсдэг ч заримдаа бид зөвхөн өрөвдөлтэй харагддаг юм шиг санагддаг" хэмээн харамсалтай байдлаа хуваалцсан.

Мөн өнгөрсөн үйл ажиллагааны явцад хэд хэдэн удаагийн бүтэлгүйтлээс авсан сэтгэл хөдлөлөө ч илэн далангүй ярьжээ. "Амьдралд тохиолдсон олон бүтэлгүйтлээс би олон зүйлийг сурсан ч уур хүрмээр байдал үүссэн. Намайг гологдох, үгүйсгэх, амжилт муу байх, хэн нэгэнд ялагдах мөчүүд намайг улам бүр нуугдахад хүргэсэн. Дэлхийг өмнөх шигээ тийм сайхнаар харах боломжгүй болсон зүйлс олон болсон" гэж тэр хэлсэн.

Тэрээр энэ оны хоёрдугаарыг онцгой хүнд хэцүү үе байсан гэж дурсан саналаа. "Би Америк тивийн аяллын сүүлийн тоглолтоос буцаж ирээд ойр дотны найзаа алдсан. "Би завгүй байна" гэсэн шалтаг хэлж, ойр байсан хүмүүсээсээ холдож, өөрийгөө удирдахаа больсон. Анх удаа хоёр хоног ажилдаа ирээгүй бөгөөд "Би үүнийг юуны төлөө хийж байна вэ?" гэж их зовсон" хэмээн дурсан, дараа нь нулимс асгаруулсан.

Гэсэн хэдий ч хүнд хэцүү мөчүүдтэй тулгарч, өөрийн жинхэнэ мэдрэмжүүдээ олж авсан нь энэ цомогийг бүтээх үндсэн хүч болсон байна. "Энэ цомог нь миний зөн совиндоо хөтлөгдсөн бүтээл байсан. Би бичсэн дуу болгондоо сөрөг үгс урсдаг байсныг анзаарч, "Аан, би уурласан байсан юм байна. Гүнээ шаналж байсан юм байна" гэдгийг ойлгосон" хэмээн Kino хэлжээ. "Энэ цомог надад асар их зоригийг өгсөн. Үргэлж шүүмжлэлд өртөхөөс айдаг байсан би, хэнээс ч илүү шүүмжлэлд бэлэн байх ёстой гэдгийг ойлгосон" хэмээн тэрээр бодол санаагаа хуваалцсан.

Энэхүү цомог нь түүний уран бүтээлийн томоохон эргэлт бөгөөд шинэ сорилт болж байгаа тул Kino-гийн илүү шинэлэг хөгжим, концепцтой эргэн ирэлтийг хүлээж буй хүлээлт улам бүр нэмэгдэж байна.

Kino энэ сарын 13-нд гол дуу "DIRTY BOY (feat. JAMIE, UWA)"-г багтаасан хоёр дахь EP "EVERYBODY'S GUILTY, BUT NO ONE'S TO BLAME"-ээ гаргаж, ойролцоогоор 1 жил 5 сарын дараа эргэн ирнэ.

"DIRTY BOY (feat. JAMIE, UWA)" дуунд Японы бүжгийн "Osaka Ojo gang" хамтлагийн гишүүн, Mnet телевизийн "Street Woman Fighter 3"-т оролцсон Uwa хамтран дуулснаар онцгой анхаарал татсан. Үүнээс өмнө Kino энэ сарын 5-нд Сөүлийн Итэвон дахь "Bolero Seoul"-д шилдэг DJ нартай хамт "WURK" нэртэй клубын үдэшлэгийг амжилттай зохион байгуулж, эргэн ирэлтийн бэлтгэлээ эхлүүлсэн байна.

Koreагийн интернет хэрэглэгчид Kino-г дэмжиж "Kino-гийн шинэ цомогийг тэсэн ядан хүлээж байна!", "Би үргэлж чамар бахархдаг, түүхээ хуваалцсанд баярлалаа", "Чи олон бэрхшээлийг давсан болохоор энэ цомог бүр ч илүү амжилттай болно" гэх зэрэг сэтгэгдлүүдийг үлдээжээ.