TXT хамтлаг шинэ цомог, клипээсээ гаргаж, Япон дахь үйл ажиллагаагаа эхлүүллээ
K-pop хамтлаг Tomorrow X Together (TXT) нь дөрөвдүгээр сарын 20-ны шөнө дунд Япон дахь гурав дахь студийн цомог болох ‘Starkissed’-ийн бүх дуу болон тус цомгийн нэрийн гол дуу ‘Can’t Stop’-ын клипийг албан ёсоор цацлаа.
Шинэ цомогт Япон улсын уугуул дуу ‘Can’t Stop’-оос гадна ‘Where Do You Go?’, ‘SSS (Sending Secret Signals)’ зэрэг нийт 12 дуу багтсан байна. Мөн долдугаар сард БНСУ-д гарсан ‘The Star Chapter: TOGETHER’ цомгийн нэрийн гол дуу ‘Beautiful Strangers’-ын япон хэлний хувилбар болох ‘Song of the Star’-ыг сонсох боломжтой.
‘Can’t Stop’ дуу нь чамтайгаа ярилцах агшинд нүдээ нээж, эрч хүчтэйгээр бидний ертөнцийг аврах тухай өгүүлдэг. Энэхүү дуу нь хүчирхэг синтезатор аялгуу, ритмтэй электро-фанк төрлөөр хийгдсэн бөгөөд TXT хамтлагийн эрч хүчтэй, мөн нарийн мэдрэмжтэй хоолойнууд нь онцгой нэгэн ертөнцийг бүтээжээ.
HYBE LABELS-ийн YouTube сувгаар цацагдсан ‘Can’t Stop’ дууны клип нь хамтлагийн хамгийн халуун мөчүүдийг харуулсан. Спортоор сэдэвлэсэн энэхүү клип нь үзэгчдэд таашаал авхуулж, төгсгөлдөө эрч хүчээ дээд цэгтээ хүргэнэ. Тухайлбал, Субин, Чойджун нар теннис тоглож, Ёнжун боулинг талбайд бүжиглэж, Тэхён хөлсөө гарган бокс хийж, Хюнинкай бөмбөрчин болсон зэрэг таван гишүүний өвөрмөц дүр төрх нь олны анхаарлыг татсан.
TXT хамтлаг нь дөрөвдүгээр сарын 20-нд TBS ‘CDTV LIVE! LIVE!’, 21-нд NHK ‘Utacon’, 24-нд EX ‘Music Station’, 25-нд NHK ‘Venue101’ зэрэг Японы алдартай телевизийн нэвтрүүлгүүдэд оролцож, тус улсад эрчимтэй үйл ажиллагаа явуулах болно. Дөрөвдүгээр сарын 22-нд цомгоо албан ёсоор гаргасныг тэмдэглэж, үзэгчидтэйгээ уулзах арга хэмжээг зохион байгуулна. Үүний дараа арваннэгдүгээр сарын 15-16-ны өдрүүдэд Сайтама хотод ‘TOMORROW X TOGETHER WORLD TOUR 'ACT : TOMORROW'’ дөрөв дэх дэлхийн аялан тоглолтынхоо хүрээнд Японы дом тоглолтоо эхлүүлнэ. Тэд арванхоёрдугаар сарын 6-7-ны өдрүүдэд Аичи, 12-р сарын 27-28-ны өдрүүдэд Фукуокад үйл ажиллагаагаа үргэлжлүүлэх юм.
TXT хамтлагийн Япон дахь шинэ цомог, клип гарсанд Монголын болон дэлхийн шүтэн бишрэгчид нь маш их баярлаж байгаагаа илэрхийлжээ. Тэдний дууны чанар, клипний үзүүлэн таалагдаж, цаашид Японд болох телевизийн нэвтрүүлэг, тоглолтуудыг тэсэн ядан хүлээж буйгаа онцолжээ.