“Нарны үр сад” киноны бяцхан хөвгүүн одоо Солонгосын хөнгөн атлетикийн од болжээ!

Солонгосын алдартай “Нарны үр сад” (Descendants of the Sun) драмын нэгэн үеийн бяцхан дүр одоо үндэсний хөнгөн атлетикийн шинэ од болон гялалзаж байна.

Намади Жоэлжин энэ сарын 20-нд Бусан хотын Азиад цэнгэлдэх хүрээлэнд болсон үндэсний спортын 106-р их наадмын насанд хүрэгчдийн эрэгтэйчүүдийн 200 метрийн гүйлтийн төрөлд тэргүүлжээ. Тэрбээр 20.70 секундын амжилт үзүүлсэн бөгөөд хоёрдугаар байрт шалгарсан Ко Сын-хвагийн амжилт 20.78 секунд байлаа.

Үүнээс гадна Намади Жоэлжин өчигдөр буюу 100 метрийн гүйлтийн төрөлд 10.35 секунд амжилтаар ялалт байгуулсан юм. Мэргэжлийн тамирчин болсон эхний жилээсээ л 100, 200 метрийн зайд давхар түрүүлж, 19 настайдаа Солонгосын хөнгөн атлетикийн ирээдүйтэй тамирчдын нэгээр тодорчээ. 200 метрийн гүйлтийн төрөлд тэрбээр хувийнхаа дээд амжилтыг 0.2 секундээр ахиулсан байна (өмнөх дээд амжилт нь 20.90 секунд).

Түүнчлэн Намади Жоэлжин энэ оны долдугаар сард Германы Райн-Рур хотод болсон “2025 Райн-Рурын Зуны Дэлхийн оюутны спортын их наадам”-ын (Универсиад) эрэгтэйчүүдийн 4x400 метрийн буухиа төрөлд 38.50 секундын амжилттайгаар алтан медаль хүртэж байв. Энэ нь Солонгос улсын хувьд Универсиад зэрэг дэлхийн томоохон тэмцээнд буухиа төрлөөр авсан анхны алтан медаль байсан юм.

Тэр үед түүний царайг олон хүн таньдаг хэмээн шуугиж, түүний өвөрмөц намтар олны анхаарлыг татсан. Намади Жоэлжин нь 2016 онд KBS 2TV сувгаар гарсан “Нарны үр сад” киногоороо анх үзэгчдэд танигдсан жүжигчин байжээ. Тухайн үедээ тэрээр эмч Жи-хун (Оньюгийн дүрд тоглосон)-д “Гутал биш, ямаа авч өгөөч” хэмээн хэлж, инээдэмтэй бөгөөд сэтгэл хөдөлгөм дүрийг бүтээж байсан билээ.

Солонгос ээж, Нигерийн уртын харайлтын улсын шигшээ багийн тамирчин асан эцэгтэй Намади Жоэлжин бага сургуулиасаа хөнгөн атлетикийн мөрөөдлөө тээж ирсэн юм. Хүүхдийн жүжигчнээс одоо Солонгосын хөнгөн атлетикийн ирээдүйтэй тамирчин болж өсч төрсөн түүний төлөө улам их хүлээлт, дэмжлэг чиглэж байна.

Солонгосын интернэт хэрэглэгчид гайхширлаа илэрхийлж байна. ""Нарны үр сад" киноны энэ хүүхэд ингэж өсч, ийм авьяастай болно гэж хэн санах билээ!", "Би түүнийг санаж байна! Одоо өөр салбарт амжилт гаргаж байгаад үнэхээр гайхлаа" гэх зэрэг сэтгэгдлүүд их байна.