Жүжигчин Ю Ён-сокын хувийн амьдралд халдсан үйлдлүүдийн эсрэг хуулийн арга хэмжээ авна гэдгийг зарлав

"King Kong by Starship" агентлагаас жүжигчин Ю Ён-сокын хувийн амьдралд нь халдсан тохиолдлуудтай холбоотойгоор хатуу арга хэмжээ авах болсноо мэдэгдлээ.

Агентлагийн мэдэгдэлд дурдсанаар, сүүлийн үед жүжигчний оршин суудаг газар болон хувийн орон зайд нь зөвшөөрөлгүй нэвтрэх, илгээмж, захидал илгээх зэрэг хувийн амьдралыг нь зөрчсөн үйлдлүүд байнга гарч байгаа аж.

"Бид жүжигчний хувийн амьдралыг хамгаалж, хохирлоос урьдчилан сэргийлэхийн тулд дараах зүйлсийг анхааруулж байна. Жүжигчний оршин суух газарт нь очих, хувийн орон зайд нь нэвтрэх, албан бус хуваарьт нь мөрдөх, хувийн мэдээллийг нь задруулах зэрэг хувийн амьдралыг нь зөрчсөн бүх төрлийн үйлдэлд хуулийн дагуу хатуу арга хэмжээ авна" хэмээн агентлагаас мэдэгдэв.

Түүнчлэн, бэлэг болон шүтэн бишрэгчдийн захидлыг компанид нь илгээхийг хүсчээ. Хэрэв өөр газарт илгээсэн зүйлсийг буцаах эсвэл устгах боломжтой гэдгийг анхааруулсан байна.

"Жүжигчин Ю Ён-сокыг чин сэтгэлээсээ дэмждэг бүх фенүүддээ баярлалаа. Жүжигчний аюулгүй байдал, эрхийг хамгаалахын тулд тэвчээртэй байж, хамтран ажиллана гэдэгт итгэж байна" хэмээн агентлагаас онцлон тэмдэглэв.

Үүнээс өмнө тус агентлагийн өөр нэг жүжигчин болох Ли Дон-ук ч мөн хувийн амьдралд нь халдсан хэргүүдтэй тэмцэх талаар мэдэгдэл хийж байсан юм.

Солонгосын интернэт хэрэглэгчид агентлагийн шийдвэрийг ойлгомжтой бөгөөд зөв хэмээн үзэж, жүжигчдийг хамгаалахад ийм арга хэмжээ зайлшгүй шаардлагатайг онцолжээ. Зарим фенүүд нь буруутай этгээдүүдийн үйлдлийн төлөө уучлалт гуйж, хувийн орон зайг хүндэтгэх нь чухал болохыг онцлон тэмдэглэв.