жүжигчин Роун "Такрю"-г дуусмагц сэтгэгдлээ хуваалцлаа: "Энэ бүтээл надад итгэл найдвар өгсөн"

Жүжигчин Роун "Такрю" киногоо дууссаны дараах сэтгэгдлээ хуваалцлаа.

Тэрбээр өөрийн FNC Entertainment агентлагаар дамжуулан "Цэрэгт явахаасаа өмнө "Такрю" хэмээх бүтээлд тоглох завшаан тохиолдсондоо, "Такрю"-гийн гишүүн болсондоо бахархаж байна. "Такрю" надад маш их зориг, жүжигчний карьертаа итгэх итгэлийг өгсөн бүтээл юм. Сайн хамтлаг, гайхалтай бүтээлийг хамтдаа бүтээж чадсандаа аз жаргалтай байлаа" хэмээн сэтгэлдээ ойрхон байдлаа илэрхийлжээ.

"Өнөөг хүртэл "Такрю"-г үзсэн үзэгчдэд чин сэтгэлээсээ талархаж байна. "Такрю"-г марталгүй, удаан хугацаанд дурсаж байвал таатай байна. Цэргээс ирээд ч амралтгүй шантаршгүй хичээнгүйлэн жүжиглэхээр төлөвлөж байгаа тул цаашид ч их хүлээлттэй байгаарай" хэмээн талархлаа илэрхийлэв.

Роун Disney+ сувгийн "Такрю" оригинал цувралд гол дүр Жан Шил-юль-ийн дүрийг бүтээж, дебют хийснээс хойшхи хамгийн хүчирхэг жүжиглэлтийн өөрчлөлтийг харуулсан юм. Ажилчнаас хулгайч болсон Шил-юль-ийн өсөлтийн явцад тэрээр мэдрэмжийн өөрчлөлтийг нарийн дүрсэлж, жүжгийг хөтлөн явах давамгайлсан хүчийг харуулсан. Мөн ихэнх тулааныг өөрөө хийж, жүжигчний хувьд хязгааргүй боломжтойгоо дахин батлан харууллаа. Ийнхүү "Такрю"-гаар дамжуулан "итгэж үзэх жүжигчин" хэмээх байр сууриа бэхжүүлсэн Роун-ы цаашид үзүүлэх өнгө өнгийн дүрүүдэд хүлээлт нэмэгдэж байна.

Солонгосын интернет хэрэглэгчид түүний үгийг ихэд үнэлж, цэргээс ирээд ч шантралгүй хичээх түүнийг дэмжиж байгаагаа илэрхийлжээ. "Такрю"-гийн амжилт болон ирж буй уран бүтээлүүддээ түүнийг амжилттай байхыг хүсч байна.