IVE хамгийн анхны дэлхийн аялан тоглолт "SHOW WHAT I AM"-ын нээлтийн зургаа гаргалаа!
IVE хамтлаг дэлхийн аялан тоглолтоо эхлүүлэхээсээ өмнө халуухан бэлтгэлээ хийж эхэллээ.
Хамтлагийн уран бүтээлүүдийг хариуцдаг Starship Entertainment саяхан IVE хамтлагийн албан ёсны сошиал хуудсаараа IVE WORLD TOUR "SHOW WHAT I AM"-ын хувийн болон хамтлагаараа авхуулсан зургуудаа нийтэлсэн байна.
Нийтлэгдсэн хамтлагаараа авхуулсан зурагт IVE нь загварлаг логоны өмнө камер руу шууд харж зогссон байдалтай харагдана. Гишүүд нь төгс төгөлдөр сэтгэл хөдлөл, байрлалаараа өөртөө итгэх байдал, дэгжин байдлаа харуулсан бөгөөд хувийн зурагт нь зургаан гишүүний тус тусын гоо үзэсгэлэнг онцолж, тоглолтын хүлээлтийг улам бүр нэмэгдүүлсэн.
IVE хамтлаг нь 10-р сарын 31-нээс 11-р сарын 2 хүртэл гурван өдрийн турш Сөүлийн KSPO DOME (хуучнаар Olympic Gymnastics Arena)-д тоглолтоо хийж, дэлхийн аялан тоглолт "SHOW WHAT I AM"-аа эхлүүлэх юм. Энэ онд IVE нь "REBEL HEART", "ATTITUDE", "XOXZ" зэрэг мини цомгийн бүтээлүүд болон өндөр чанартай дуу, тоглолтоороо дотоод болон гадаад улсын хөгжим сонирхогчдын зүрхийг эзэмдсэн бөгөөд энэхүү аялан тоглолтоор дэлхийн шүтэн бишрэгчидтэйгээ харилцаагаа өргөжүүлэх агуу аяллыг эхлүүлэхээр зорьж байна.
Саяхан IVE хамтлаг MBC "Show! Music Core", SBS "Inkigayo" зэрэг нэвтрүүлгүүд дээр "XOXZ" дуугаараа тэргүүн байранд шалгарч, үйл ажиллагаа нь дууссан ч гэсэн "XOXZ" дуу нь чарт дээр ахин тэргүүлж, "IVE синдром"-ыг үргэлжилж буйг баталгаажуулсан. Түүнчлэн, 7-р сард "Lollapalooza Berlin", "Lollapalooza Paris", 9-р сард "ROCK IN JAPAN FESTIVAL 2025" зэрэг дэлхийн тайзнаа амжилттай оролцож, гайхалтай амьд тоглолтоо үзүүлсэн IVE нь "SHOW WHAT I AM" аялан тоглолтынхоо үеэр олон тайзан дээр нотлогдсон гялалзсан өсөлтөө дахин харуулж чадна гэдэгт итгэлтэй байна.
IVE хамтлаг нь 10-р сарын 31-нээс 11-р сарын 2 хүртэл Сөүлийн Сонгпа-гу, Олимпын цэцэрлэгт хүрээлэнгийн KSPO DOME-д дэлхийн аялан тоглолт "SHOW WHAT I AM"-ынхаа нээлтийн тоглолтыг хийнэ. Дэлхийн аялан тоглолтын дэлгэрэнгүй мэдээлэл удахгүй албан ёсны сошиал хуудсаараа цацагдах болно.
Солонгосын интернэт хэрэглэгчид аялан тоглолтын талаарх мэдээнд маш их баярлаж байна. "Амжилт хүсье" болон "Манай оронд ирээрэй" гэсэн сэтгэгдлүүд их байна. Фенүүд нь шинэ постеруудад тэднийг хэрхэн гайхалтай харагддагийг онцолж байна.