"CAT'S" хамтлагийн гишүүн асан Ким Жи-хэ ихэр хүүхдээ асрах хүндрэлээ хуваалцжээ

Алдарт "CAT'S" хамтлагийн гишүүн асан Ким Жи-хэ саяхан төрсөн ихэр хүүхдээ асрах хүндрэлүүдээ хуваалцсан байна.

"Хүүхэд асрах ийм хэцүү байдаг юм уу? Ихэр хүүхдүүд минь өдөржингөө уйлж байна... Унтах ч үгүй уйлж байна... Тэврээд ч уйлж байна" хэмээн тэрээр 19-нд жиргэжээ.

Тэрээр "Хамгийн их ирсэн DM-үүд нь хүүхдийн гэдэс өвдөж байгаа байх гэсэн таамаг байсан... Гэдэсний массаж, хөлөөр нь дугуй хийлгэхээс гадна өөр юу хийж өгөх ёстой вэ? Туслаарай..." хэмээн тусламж хүссэн байна.

Үүнтэй зэрэгцэн нийтэлсэн зурган дээр Ким Жи-хэ ихэр хүүхдээ тэвэрч, тэднийг харж буй нь ядарсан царайтай харагдаж, үзэгчдийн сэтгэлд эмзэглэл төрүүлжээ.

Ким Жи-хэ 2019 онд "PARAN" хамтлагийн жүжигчин Чхве Сон-үктэй гэрлэж, энэ оны эхээр туршилтын үр тогтоох аргаар ихэр хүүхэдтэй болж, есдүгээр сард яаралтай хагалгаа хийлгэн ихэр хүү, охиноо төрүүлсэн байна.

Солонгосын интернэт хэрэглэгчид Ким Жи-хэ-д амжилт хүсч, түүнийг дэмжиж байгаагаа илэрхийлжээ. Олон хүмүүс өөрсдийн туршлагаа хуваалцаж, зөвлөгөө, урам хайрласан үгс бичсэн байна.