Дуучин Жина Японд аялж буй зургаа хуваалцав

2010 онд 'Let’s Go Goodbye', 'Top Girl', 'Black & White' зэрэг олон ч хит дуугаараа нэрд гарсан дуучин Жина саяхан Японд аялж буй зургаа олон нийтийн сүлжээгээрээ хуваалцлаа.

Гуравдугаар сарын 19-нд тэрээр "What’s next #japan" гэсэн таймлайнтай хэд хэдэн зургийг нийтэлжээ. Тэрээр зурган дээрээ малгай өмсөж, энгийн хувцасласан байдалтай, Японы гудамжаар зугаалж, рамен, зайрмаг, шар айраг зэргээ амтлан зооглож буй нь харагдана. Эргэдэг сүшүгийн газарт аз жаргалтай инээмсэглэж буй зураг нь шүтэн бишрэгчдийн анхаарлыг ихэд татжээ.

Үүнээс өмнө Жина "Би үргэлж очиж үзэхийг хүсдэг байсан Вьетнамд ирлээ. Бодож байснаас хамаагүй гайхалтай байна" хэмээн сэтгэгдлээ хуваалцаж, Вьетнамын аяллын зургуудаа нийтэлж байв. Тэрээр "Хоол, уур амьсгал, хүмүүс гээд бүх зүйл үнэхээр гайхалтай" хэмээн нэмж хэлжээ.

2016 онд АНУ-ын Лос-Анжелес хотод биеэ үнэлэлттэй холбоотой хэргээр буруутгагдан, торгууль авч, уран бүтээлээ түр хугацаагаар зогсоосон билээ. Тухайн үедээ тэрээр амьдралын эрхээр хүнд байдалд орж, танилынхаа танилцуулсан хүнтэй болзож байсан хэмээн хэргийг үгүйсгэж байсан ч шүүхээс 2 сая воны торгууль онож байсан юм.

Саяхан олон нийтийн сүлжээнд эргэн ирсэн Жина "Хамгийн их шаналгаа өгсөн зүйл бол хэрэг биш, харин дагасан чимээгүй байдал байсан. Би нуугдах гэж алга болоогүй, амьдрахын тулд л алга болсон" хэмээн чин сэтгэлээсээ илэрхийлсэн.

Солонгосын интернэт хэрэглэгчид Жинагийн эргэн ирэлт, аяллын зурагт ихэд баярлан, дэмжиж байна. Түүний шудрага зан, гоо үзэсгэлэнг магтаж, цаашдын ажилд нь амжилт хүссэн сэтгэгдлүүдийг үлдээжээ.