Дуучин Им Чан-жон-ы гэргий Со Ха-ян бизнест амжилт оллоо

Алдарт дуучин Им Чан-жон-ы эхнэр Со Ха-ян бизнесийн салбарт гайхалтай амжилт оллоо.

Тэрээр саяхан Инстаграм хуудсандаа дуучин Сон Га-ин хамт авахуулсан зургаа нийтэлж, баярт мэдээгээ хуваалцжээ.

"Сон Га-ин-ним, хүрэлцэн ирсэнд баярлалаа! Аялан тоглолтдоо явахаас өмнө манай ажилчдын хувцсыг хүртэл сэтгэл гарган авч өгсөн нь үнэхээр сайхан сэтгэлтэй эгч байна" хэмээн Со Ха-ян бичсэн байна. Тэрээр зураг дээрээ Каннам дахь нэгэн их дэлгүүрт нээгдсэн өөрийн брэндийн хувцасны поп-ап дэлгүүрт Сон Га-ин-тэй эелдэгхэн зургаа авахуулжээ.

Со Ха-ян, Сон Га-ин нар маш дотно харагдаж байв.

Нөхөр нь болох дуучин Им Чан-жон ч эхнэрийнхээ бизнесийг дэмжихээр тус арга хэмжээнд хүрэлцэн ирсэн байна. Тэрээр дэлгүүрт ирсэн зочдод гарын үсэгээ зурж өгөх зэргээр эхнэртээ тусалсан байна.

Со Ха-ян 2017 онд өөрөөсөө 18 дүү залуу дуучин Им Чан-жонтой гэрлэсэн юм. Им Чан-жон өмнөх гэрлэлтээсээ гурван хүүтэй байсан бөгөөд Со Ха-янгаас хоёр хүүтэй болж, одоогоор таван хүүтэй амьдарч байна.

Солонгосын интернэт хэрэглэгчид Со Ха-янгийн бизнесийн амжилт болон нөхрийнх нь дэмжлэгийг ихэд сайшааж байна. "Со Ха-ян бол үнэхээр чадварлаг эмэгтэй шүү", "Им Чан-жон бол үлгэр жишээ нөхөр, ийм хос аз жаргалтай байх ёстой", "Түүний бизнес улам дэлгэрнэ гэдэгт итгэлтэй байна" гэх зэрэг сэтгэгдлүүд олноор иржээ.