LE SSERAFIM шинэ дуу "SPAGHETTI"-гээ гаргахаар бэлдэж байна: BTS-ийн J-Hope хамтран дуулжээ!
K-pop охидын хамтлаг LE SSERAFIM удахгүй гарах шинэхэн уран бүтээлээрээ сонсогчдын сэтгэлийг догдлуулахад бэлэн болжээ. Тус хамтлаг саяхан гарах "SPAGHETTI" нэртэй синглийн талаарх анхны мэдээлэл, онцгой агуулгыг дэлгэсэн байна.
Гуравдугаар сарын 21-ний шөнийн 0 цагт HYBE LABELS-ийн YouTube суваг болон хамтлагийн албан ёсны сошиал хуудсуудаар цацагдсан трек жагсаалт болон онцлох хэсгүүдийн танилцуулгад "SPAGHETTI (feat. j-hope of BTS)" болон "Pearlies (My oyster is the world)" гэсэн хоёр дуу багтсан нь ил болжээ. Дууны жагсаалтыг гал тогооны номын хэлбэрээр хийсэн нь онцлог юм.
Хамгийн сонирхолтой нь, "SPAGHETTI" дуундаа BTS хамтлагийн гишүүн J-Hope оролцон, онцгой аялгууг бүрдүүлжээ. Энэхүү дуу нь ер бусын үг агуулснаараа онцлог бөгөөд LE SSERAFIM хамтлагийн тухай бодлуудыг шүд хооронд хавчуулагдсан спагеттитой зүйрлэжээ. "이빨 사이 낀 SPAGHETTI / 빼고 싶니 bon appétit", "머릿속 낀 SSERAFIM" гэх мэт өвөрмөц үгийг сонссон сонсогчид аль хэдийнээ нөлөөнд автсан байна. Уг дуу нь альтернатив панк-поп жанрт хамаардаг.
"Pearlies (My oyster is the world)" дуу нь диско-поп хэв маягтай, хэмнэлтэй аялгуу, хөнгөн дуулалтаараа ялгарна. Энэ дуу нь LE SSERAFIM-ийн үнэнч шүтэн бишрэгч "FEARNOT"-д зориулсан бэлэг бөгөөд хамтлагийн гишүүн Хо Юн-жин дэлхийн аялан тоглолтын үеэр хэлсэн үгнээс сэдэвлэжээ. Тэрээр "Сувд үүсэх шиг, би ч гэсэн өөрийн гэсэн сувдыг бүтээх болно" хэмээн хэлж байсан билээ.
LE SSERAFIM-ийн "SPAGHETTI" сингл дөрөвдүгээр сарын 24-ний өдрийн 13:00 цагт албан ёсоор цацагдах бөгөөд мөн өдөр 22:00 цагт Mnet болон M2 YouTube сувгаар "SPAGHETTI, Wrapping the World" нэртэй тусгай нэвтрүүлэг гарах юм.
LE SSERAFIM-ийн шүтэн бишрэгчид шинэхэн дууны концепт, онцгой үгнүүдийг маш их таалж хүлээж авчээ. BTS-ийн J-Hope-той хамтран дуулсан нь фэнүүдийн дунд маш их хүлээлт үүсгэсэн бөгөөд "хамгийн төгс фэн үйлчилгээ" хэмээн шагширч байна. Нэг талаас, тэдний зоримог зүйрлэлийг онцолж байхад, нөгөө талаас хүмүүс "олон спагетти идэхэд эвгүй болно" хэмээн хошигнож байлаа.