BTS хамтлагийн гишүүн Жонгүг Spotify-д 500 сая сонсолттой дууг нэмлээ

Глобал хит болсон "BTS" хамтлагийн гишүүн Жонгүг Spotify дээр 500 сая сонсолттой дууг амжилттай нэмлээ.

Дэлхийн тэргүүлэгч хөгжим стрийм хийх платформ болох Spotify-ийн мэдээлснээр, Жонгүг дуулсан 2022 FIFA Катарын ДАШТ-ний албан ёсны дуу "Dreamers" нь 10-р сарын 19-ний байдлаар 500 сая сонголтыг давджээ.

Үүнтэй зэрэгцэн Жонгүг нь "Seven (feat. Latto)", "Standing Next to You", Чарли Путтай хамтарсан "Left and Right (Feat. Jung Kook of BTS)", "3D (feat. Jack Harlow)" зэрэг өөрийн нэрэмжит соло бүтээлүүдийн хамт таван дахь 500 сая сонголтоо давсан дууг эзэмшиж байна.

"Dreamers" дуу нь 2022 оны 11-р сард худалдаанд гарсан даруйдаа дэлхийн 102 орны iTunes "Top Song" чартад тэргүүн байр, Spotify "Daily Top Song Global" чартын 2-р байрт орж, дэлхийн хөгжмийн зах зээлд шуугиан тарьсан юм. Мөн FIFA YouTube албан ёсны сувгаар цацагдсан "Dreamers" дууны тоглолтын видео 10-р сарын 2-ны байдлаар 420 сая гаруй үзэлттэй болсон нь тус сувгийн түүхэн дэх хамгийн их үзэгчтэй видео юм.

Жонгүг зөвхөн өөрийн соло дуунуудаараа Spotify дээр нийт 9.7 тэрбум гаруй сонголт хийсэн бөгөөд түүний "Seven (feat. Latto)" дуу нь 2.5 тэрбум сонголтыг давж, Солонгосын уран бүтээлчдийн дунд анх удаа 2.5 тэрбум сонголтод хүрсэн түүхийг бичсэн билээ.

Солонгосын интернэт хэрэглэгчид Жонгүгийн амжилтыг өндрөөр үнэлж, "Тэр үргэлж шинэ дээд амжилтыг тогтоож байдаг нь гайхалтай!", ""Dreamers" бол гайхамшигтай бүтээл, үүнээс ч илүүг хүртэх ёстой!", "Жонгүг бол жинхэнэ дэлхийн од!" гэх мэт сэтгэгдлүүдийг үлдээжээ.