Хөлбөмбөгийн тамирчин асан Пак Чу-хогийн эхнэр Анна хөхний хорт хавдрын эсрэг тэмцлийг дэмжих гүйлтинд оролцлоо
Алдартай хөлбөмбөгийн тамирчин асан Пак Чу-хогийн эхнэр Анна нь хөхний хорт хавдрын талаарх ойлголтыг нэмэгдүүлэх зорилготой "Our Little Pink Run with KBCS" арга хэмжээнд оролцжээ. Энэ нь түүний хувийн хорт хавдартай тэмцсэний дараа ч гэсэн чухал асуудлыг дэмжих хүсэл эрмэлзэл, хүчтэй сэтгэлийг харуулж байна.
Саяхан өөрийн "Anana and Home" нэртэй YouTube сувгаа хөтөлдөг Анна нөхөр Пак Чу-хо болон тэдний гурван хүүхэд болох На Ын, Гён-ху, Жин-ү нартайгаа хамт энэхүү буяны үйл ажиллагаанд оролцсон тухай видео контентээ нийтэлжээ. Гэр бүл нь найз нөхөдтэйгээ уулзаж, дасгал хөдөлгөөн хийж, хамтдаа цагийг өнгөрүүлсэн байна.
"Энэхүү гүйлтинд улс орны өнцөг булан бүрд байгаа эмнэлгүүдийн эмч, сувилагч, өвчтөнүүд оролцсон. Бид өөр өөр өдөр гүйсэн ч намайг асран халамжилж байсан хүмүүстэйгээ дахин уулзсандаа маш их баяртай байна" хэмээн Анна хуваалцжээ. Тэрээр 10-р сарын "Pink Run"-д бүртгүүлэх амжаагүй ч ирэх жил заавал оролцоно гэдгээ илэрхийлсэн юм.
Гэр бүлийнхэн нь "Breast Go Run" гэсэн бичигтэй футболк өмсөж, хөхний хорт хавдрын талаарх ойлголтыг дээшлүүлэх, ялан дийлэхэд зориулсан энэхүү кампанийг дэмжиж буйгаа илэрхийлжээ. Анна бүх хүмүүсийг эрүүл мэнддээ анхаарч, тогтмол үзлэгт хамрагдахыг уриалав.
Энэхүү Аннагийн хийсэн үйлдэл нь саяхан болж өнгөрсөн, хөхний ховдрын талаарх ойлголтыг дээшлүүлэх зорилготой байсан ч тансаглал, зугаа цэнгэлдээ автан шүүмжлэлд өртсөн "W Korea" сэтгүүлийн арга хэмжээнээс тэс өөр байв. Үүний оронд Пак Чу-хогийн гэр бүл гүйлтийн дараа Хан мөрний эрэгт рамен зооглон энгийн зугаа цэнгэлийг мэдэрчээ.
Охин На Ын нь ээждээ хандаж "Би үргэлж хэлдэг шиг би ээж шигээ хөөрхөн" хэмээн хайраа илэрхийлэв. Анна ч "Чи бол миний бүх зүйл. Мөн хүүхдүүд минь өсөж том болохыг харахын тулд хийж буй бүх зүйл, тусламж, халамжинд би үнэхээр талархаж байна" хэмээн хариулав.
Солонгосын нетизэнчүүд Аннагийн энэ үйлдлийг өндрөөр үнэлж, түүний хүч чадал болон эерэг нөлөөг онцолжээ. Олон хүн түүний чухал зорилгод оруулсан хувь нэмрийг биширч, цаашдын эрүүл энхийг хүсэн ерөөж, түүний үйлдэл олон хүнд урам зориг өгдөг болохыг онцолсон байна.