CNBLUE хамтлаг фэнүүдээс хувийн орон зайгаа хүндэтгэхийг хүслээ

Блюз хамтлаг CNBLUE саяхан өөрсдийн хувийн орон зайг хүндэтгэх тухай албан ёсны мэдэгдлийг Weverse платформ дээр нийтэлжээ.

Хамтлагийн зүгээс "Сүүлийн үед уран бүтээлчдийн гэр рүү нь зочилдог тохиолдлууд гарч байна. Энэ нь уран бүтээлчдийн хувийн амьдралыг зөрчиж, хөрш зэргэлдээх хүмүүст ч төвөг учруулж болзошгүй юм" хэмээн анхааруулжээ.

"Соёлтой фэн соёлыг төлөвшүүлэхийн тулд CNBLUE-гийн хувийн орчны (компани, гэр, дэлгүүр гэх мэт) болон тэр орчмын хүнсний дэлгүүр, кафе, байшингийн урд, ойролцоох бусад барилгын зогсоол зэрэг газруудад зочилж, байрлахыг хориглоно уу" гэж хүсэлт гаргажээ.

"Уран бүтээлчдийн хувийн амьдралыг хамгаалж, зөв фэн соёлыг бий болгохын тулд та бүхний идэвхтэй хамтын ажиллагааг хүсч байна" гэж мэдэгдлээ үргэлжлүүлэв.

CNBLUE энэ онд дебютийн 15 жилийн ойгоо тэмдэглэж байгаа бөгөөд өнгөрсөн аравдугаар сараас эхлэн Макао, Тайбэй, Бангкок, Малайз зэрэг хотуудад амжилттай аялан тоглолтоо хийж, Ази төдийгүй Хойд Америкийн тоглолтоо ч амжилттайгаар дуусгасан билээ.

Солонгосын интернэт хэрэглэгчид "Энэ бол зөв шийдвэр, тэд ч гэсэн хүмүүс шүү дээ" гэж сэтгэгдэл бичиж, хамтлагийг дэмжиж байгаагаа илэрхийлжээ. Зарим нь "Шүтээн ба фэнүүдийн хоорондох хил хязгаарыг бүдгэрүүлэх нь муу, хүндэтгэлтэй байх ёстой" гэж нэмж хэлжээ.