БНСУ-ын алдарт жүжигчин Жон Вон-жу: Орон сууц, хувьцаанд хөрөнгө оруулалтаар "ах", халамжит зан нь гайхагдлаа

БНСУ-ын алдартай, хэмнэлттэй зангаараа олонд танигдсан жүжигчин Жон Вон-жу алтан, хувьцаанд хөрөнгө оруулаад амжилт олсон тухайгаа ярьж, дараа нь үл хөдлөх хөрөнгийн салбарт хийсэн дахин нэг "том амжилт"-аа хуваалцлаа.

Түүний "Jeon Won-ju_Jeon Won-ju Hero" нэртэй YouTube сувгаар нийтлэгдсэн видео бичлэгт жүжигчин Хайникс /Hynix/-ийн хувьцаа 20 дахин, харин одоо амьдарч буй байшингийн үнэ 21 дахин өссөн тухайгаа "Жон-Баффетт" хэмээх хочоо нэмэн "хэмнэлттэй амьдралын" тухай дурджээ.

"Дулааны зардлаа хэмнэхийн тулд хурдан орж ир" гэж жүжигчин Жон нөхцөл байдлыг тайлбарлаж, гэрэл зураг авах баг орж ирэхэд дотор нь харанхуй байсан тухай дурдсан байна. Тэрээр "Би харанхуйд дассан, биедээ бүх зүйлсийг мэдэрдэг" хэмээн тайлбарлаж, цахилгаан эрчим хүчний зардлыг хэмнэхийн тулд зөвхөн нэг л гэрлийг асааж, телевизийн залгуурыг хүртэл салгадаг тухайгаа дэлгэрэнгүй ярьжээ.

Жүжигчин Жон мөн 20 гаруй жилийн өмнө өөрийн байшингаа 200 сая вон (ойролцоогоор 150,000 ам.доллар) хямд үнээр авч байсан түүхээ хуваалцсан байна. Одоо тухайн байшингийн үнэ 4.2 тэрбум вон (3 сая ам.доллар гаруй) болж өссөн байна.

"Энэ байшин намайг аварсан" хэмээн жүжигчин Жон хэлсэн бөгөөд энэ байшинд ирснээс хойш түүний амьдрал, орлого эрс нэмэгдсэн гэжээ. Түүнчлэн, тэрээр өөртөө мэдэгдэлгүйгээр их хэмжээний газрын эзэмшил байсныг олж мэдсэн бөгөөд үүнтэй холбогдуулан сая сая воны татвар төлсөн тухайгаа ярьсан юм. "Татвар төлөхийн тулд би хадгаламжаа задлах хэрэгтэй болсон" гэж тэрээр нэмж хэлжээ.

Солонгосын интернэт хэрэглэгчид Жон Вон-жугийн хэмнэлттэй байдал, гайхалтай хөрөнгө оруулалтын амжилтыг гайхширлаа. "Тэр жинхэнэ хэмнэлтийн хатан, хөрөнгө оруулалтын шилдэг нь юм" гэж олон хүн сэтгэгдэл үлдээжээ.