54 настай жүжигчин Го Хён-жон өөртөө итгэлтэй загварлаг төрхөө харууллаа
54 настай алдартай Өмнөд Солонгосын жүжигчин Го Хён-жон өөрийн гайхалтай залуулаг харагдах байдал болон гайхамшигтай нимгэн бие галбирыг харууллаа.
Есдүгээр сарын 30-ны өдөр жүжигчин "Намрын зугаалга" хэмээх бичвэр бүхий хэд хэдэн зураг нийтэлжээ. Зургуудад Го Хён-жон богино өвдөгнөөс дээгүүр хэмжээтэй юбка болон гутал өмссөн нь харагдаж байна. Тэрээр 1971 онд төрсөн бөгөөд 54 настай ч, наснаасаа хамааралгүй орчин үеийн загварлаг хувцаслалт, үс засалт, гайхалтай гоо үзэсгэлэнгээрээ олны анхаарлыг татжээ.
Ялангуяа түүний хөл нь охидын хамтлагийн гишүүд шиг өөрийгөө харуулж, урьд урьдынхаас илүү туранхай харагдаж байна.
Өмнө нь Го Хён-жон драманы зураг авалтын үеэр түргэний эмнэлэгт хүргэгдэж, үзэгчид болон шүтэн бишрэгчдээ санаа зовоож байсан билээ.
Наймдугаар сард "Салон Дрип2" нэвтрүүлэгт оролцохдоо тэрээр "Би кино зураг авалтын үеэр өвдөөд эмнэлэгт хэвтэж, эмнэлгээс гараад шууд зураг авалтдаа орсон. 5 жилиин өмнө ухаан алдаж унаснаас хойш архи уухаа больсон" хэмээн ярьж, "Эмнэлгийн хүмүүс эрчимтэй эмчилгээ хийж хурдан эдгээхээр хичээж байна. Намрын улиралд эмийн тунг багасгаж тогтворжино гэж байгаа ч, бүрэн эдгээгдээгүй байна" хэмээн 5 жилиин турш өвчинтэйгээ тэмцэж байгаагаа дуулгасан юм.
Саяхан Го Хён-жон SBS телевизийн "Богомол: аллагын гарц" киногоо дуусгаж, цуврал аллагын гэмт хэрэгтэй тэмцэгч Жонг И-шингийн дүрийг чадварлаг бүтээсэн юм.
Солонгосын интернэт хэрэглэгчид жүжигчний залуулаг төрх, бие галбирыг ихэд магтан шагшиж, наснаас нь хамаагүй хөөрхөн харагдаж байна хэмээн сэтгэгдэл үлдээжээ. Мөн түүний эрүүл мэндийн байдлыг анхаарч, хурдан эдгэрэхийг хүсэн ерөөж, тэмцлийг нь дэмжсэн сэтгэгдлүүд ч байв.