AOA-ийн экс гишүүн Квон Мин-а фен уулзалтын тасалбар худалдаалж эхэллээ

AOA хамтлагийн экс гишүүн Квон Мин-а фен уулзалтын тасалбар худалдаалж эхэлсэн тухайгаа зарлалаа.

10-р сарын 30-нд Квон Мин-а өөрийн сошиал хуудсандаа хэд хэдэн зургийг нийтэлжээ. Тэрээр тасалбар худалдан авах линкийг хавсарган "Квон Мин-агийн фен уулзалтын тасалбар худалдаанд гарлаа!!!!! Олон хүн ирээрэй, би та нарт хайртай" хэмээн бичсэн байна. Мөн өөрийн селфи зургуудаа "(Өнөөдөр ч өөрийгөө буруутгах нь)" хэмээн дүгнэж, сэтгэл хангалуун бус байдлаа илэрхийлжээ.

Гэсэн хэдий ч зурагнууд дээр Квон Мин-а урьд урьдынхаас илүү тайван харагдаж, инээмсэглэн камер луу харж байв. Тэрээр гүн намар цагийн өнгө аястай хар өнгийн дээд хувцас, өтгөн урт үсээ үлдээж, дэгжин төрхийг бүрдүүлсэн байлаа.

Саяхан Квон Мин-а W Korea сэтгүүлийн хөхний хорт хавдрын талаарх ойлголтыг нэмэгдүүлэх арга хэмжээний талаар "Миний эгч хөхний хорт хавдартай байсан. Өвчтөний гэр бүлийн гишүүний хувьд архины үдэшлэг зэрэг зүйлс намайг зовоож байсан" хэмээн шүүмжлэлтэй байр суурь илэрхийлж, ихээхэн анхаарал татсан юм.

Тэрээр "AOA" хамтлагийн гишүүн байхдаа ахлагч Жиминээс хавчлага амссан хэмээн дэлгэсэн бөгөөд саяхан эмнэлэгт хоёр сар ажиллаад ажлаасаа гарсан нь тодорхой болов. Үүнтэй зэрэгцэн фен уулзалтын мэдээг хуваалцсан нь сонирхол төрүүлж байна.

Солонгосын интернэт хэрэглэгчид "Чиний селфи маш гоё болсон байна шүү", "Одоо жүжигчний карьераа эргэн эхлэх үү?", "Фен уулзалтаар юу хийхийг тэсэн ядан хүлээж байна" гэх зэрэг сонирхолтой сэтгэгдлүүд үлдээжээ. Зарим нь түүнийг соло уран бүтээлээр эргэн ирэхийг хүлээж байгаагаа илэрхийлсэн байна.