G-DRAGON APEC-ийн дээд хэмжээний урилгын ёслолд K-pop-ын төлөөлөл болж уран бүтээлээ толилуулна
Ази, Номхон далайн бүс нутгийн эдийн засгийн хамтын ажиллагааны (APEC) уулзалтын хүрээнд зохион байгуулагдах хүлээн авалтын ёслолын үеэр загвар, урлаг, технологийн салбарт тэргүүлэгч, K-pop одод болох G-DRAGON (GD) өнөөдөр буюу арваннэгдүгээр сарын 23-нд тавтай морилгох ёслолын тоглолтыг хийх гэж байна.
GD нь 21 орны удирдагчид болон өндөр албан тушаалтнууд оролцох энэхүү арга хэмжээний үеэр Кёнжу хотын Лахан зочид буудлын танхимд ая дууны эгшгээ өргөх юм.
GD нь зөвхөн K-pop төдийгүй загвар, урлаг, шинжлэх ухаан, технологийн салбарт өөрийн гэсэн байр суурьтай "Соёлын бэлгэ тэмдэг" хэмээгддэг бөгөөд энэ оны долдугаар сард APEC-ийн итгэмжлэгдсэн төлөөлөгчөөр томилогдон ажиллаж эхэлсэн.
Саяхан гарсан APEC-ийн сурталчилгааны видеонд Ерөнхийлөгч Ли Чжэ-мён, IVE хамтлагийн гишүүн Жан Вон-ён нартай хамт G-DRAGON тоглосон нь 17 сая гаруй хандалтыг авч, олон нийтийн анхаарлыг ихээхэн татсан. Түүгээр ч барахгүй, уг видеонд ямар ч хөлсгүй тоглосон нь мэдэгдэж, маш их талархал хүлээсэн юм.
GD нь энэ сурталчилгааны видеог бүтээх явцад АНУ-д хийж буй аялан тоглолтынхоо завгүй хуваарийн хажуугаар Солонгос, АНУ-ыг зорьж, биечлэн оролцсон нь түүний хичээл зүтгэлийг харуулж байгаа аж. Ялангуяа, APEC-ийн дээд хэмжээний уулзалтын эхлэлийг олон нийтэд тодорхой онцлон харуулж, өөрийн нөлөөг харуулсан.
GD нь энэ удаагийн тоглолтоор K-pop уран бүтээлчдээс цорын ганц төлөөлөл болох юм. Өөрийн өвөрмөц, шинэлэг, бүтээлч тоглолтоороо дамжуулан Солонгосын соёлын нэр хүндийг өргөж, дэлхий дахинаа таниулах төлөвтэй байгаа тул түүний тайзны гаралт ихээхэн хүлээлт үүсгэж байна.
"Дэлхийн хэмжээний нөлөөтэй G-DRAGON нь APEC-ээс эрмэлздэг холболт болон тогтвортой байдлын үнэт зүйлсийг дотоод болон гадаадад үр дүнтэй хүргэх хамгийн тохиромжтой хүн байсан тул бид түүнийг элчин сайдаар томилсон" хэмээн APEC-ийн зохион байгуулах хорооноос мэдэгдэв. "Тэрбээр хүлээн авалтын ёслолын үеэр гарамгай үзүүлбэр үзүүлнэ гэдэгт бид итгэлтэй байна."
Монголын интернетийн хэрэглэгчид G-DRAGON-ийг ийм нэр хүндтэй арга хэмжээнд оролцохоор сонгогдсонд ихэд баяр хүргэж байна. Олонх нь түүнийг дэлхийн хэмжээний дүр төрхтэй, солонгосын соёлыг төлөөлөх чадвартай уран бүтээлч хэмээн онцолж байна. Тайзны гаралт амжилттай болохыг хүссэн сэтгэгдлүүд их байна.