K-pop-ын од G-Dragon APEC-ын уулзалтын үдэшлэгт тоглоно!

K-pop-ын одод болох G-Dragon нь 8-р сарын 31-нд Кёнжю хотын Лахан зочид буудлын Их танхимд болох APEC-ын албан ёсны хүлээн авалтын үдэшлэгт оролцоно.

K-pop-ын төдийгүй загвар, урлаг, шинжлэх ухаан, технологи зэрэг олон салбарт тэргүүлэгч "соёлын бэлгэ тэмдэг" болсон G-Dragon нь 7-р сард APEC-ын сурталчилгааны элчээр томилогдон ажиллаж байна.

Энэхүү үдэшлэгт APEC-ын 21 улсын төрийн тэргүүн болон өндөр албаны хүмүүс оролцоно. K-pop уран бүтээлчдээс ганцхан уригдсан G-Dragon нь шинэлэг, бүтээлч тайзны тоглолтыг үзүүлэхээр төлөвлөж байна.

Ерөнхийлөгч И Же-мёнтой хамт бүтээсэн APEC-ын сурталчилгааны видео нь "олон улсын арга хэмжээний сурталчилгаанд шинэ өндөрлөгийг нээсэн" хэмээн магтаж, 17 сая гаруй хандалтыг авч, ихээхэн шуугиан тарьсан.

Нэмж дурдахад, G-Dragon нь 11-р сард Тайбэй, Ханой, 12-р сард Сөүл хотод тоглолтоо үргэлжлүүлэх бөгөөд саяхан АНУ, Франц, Азийн томоохон хотуудад хийсэн аялан тоглолтоо дуусгалаа.

Солонгосын нетизэнчүүд энэ мэдээг сонсоод, "Энэ бол K-pop-ын хувьд том амжилт!", "G-Dragon хэзээд гайхалтай байдаг, түүний тоглолтыг тэсэн ядан хүлээж байна!" зэрэг сэтгэгдлүүдийг үлдээжээ.