Модель Мун Га-би Чон У-соны хүүгийнхээ тухай хуваалцлаа: Солонгосын интернэт хэрэглэгчдийн хариу

Модель Мун Га-би алдарт жүжигчин Чон У-соноос төрсөн хүүгийнхээ тухай сүүлийн үеийн мэдээллийг хуваалцлаа.

Мун Га-би өнгөрсөн сарын 30-нд өөрийн хайртай хүүтэйгээ хамт авахуулсан хэд хэдэн зургийг олон нийтийн сүлжээнд нийтэлжээ. Зургуудаас харахад модель хүүтэйгээ цагийг хэрхэн өнгөрүүлдэг, тэдний амьдралын хэв маягийг харуулсан байна.

Эдгээр зургууд нийтлэгдсний дараа маш олон хүмүүсийн анхаарлыг татаж, сэтгэгдлийн давалгааг үүсгэсэн ч одоогоор тус нийтлэлийн сэтгэгдлийг хаасан байна.

Сануулахад, Мун Га-би өнгөрсөн арваннэгдүгээр сард хүүхэд төрүүлсэн тухайгаа зарлаж байсан. Түүний жирэмслэлт 2023 оны зургадугаар сард эхэлж, өнгөрсөн оны гуравдугаар сард хүүтэй болсон бөгөөд одоо 1 жил 7 сар болж байна. Үүний дараа Чон У-сон эцэг эсэхээ тогтоолгох шинжилгээ өгч, түүний агентлаг хүү нь Чон У-соны хүү болохыг баталсан юм.

Тухайн үед Чон У-соны агентлагаас "Хүүхдийг хүмүүжүүлэх арга замын талаар хамгийн сайн шийдлийг ярилцаж байгаа бөгөөд тэрээр эцгийн хувьд хүүгийнхээ төлөө чадах бүхнээ хийх болно" гэсэн байр суурийг илэрхийлж байв.

Мөн тэрээр "Үзэгчдийн хайр ба хүлээлтийг хүлээж авсан бүх хүмүүст санаа зовнил ба урмыг хугалсан явдлыг чин сэтгэлээсээ уучлалт гуйж байна. Бүх бурууг би өөр дээрээ авна. Эцгийн хувьд хүүгийнхээ төлөө хүлээх үүргээ эцсээ хүртэл биелүүлнэ" гэж 45 дэх удаагийн "Цэнхэр луу" кино шагнал гардуулах ёслолын үеэр "Сөүлийн хавар" киноныхоо төлөө шагнал аваад хэлсэн байдаг.

Үүнээс гадна энэ оны наймдугаар сард Чон У-сон удаан хугацааны турш үерхсэн, урлагийн бус эмэгтэй найзтайгаа гэрлэлтийн бүртгэлээ хийлгэсэн тухай мэдээлэл гарч байсан.

Солонгосын интернет хэрэглэгчид Чон У-соны эцэг эхийн үүргээ гүйцэтгэхэд нь амжилт хүсч, түүнийг дэмжсэн сэтгэгдлүүдийг үлдээжээ. Зарим нь модель Мун Га-бигийн ээж байх болон хувийн амьдралд нь илүүтэй анхаарал хандуулсан байна.